Kursk viloyatida yana yuzdan ortiq rus askari asirga olindi
Rossiyaning Kursk viloyatiga bostirib kirgan ukrain qoʻshinlari 14 kuni bir martada 102 nafar rus harbiylarini asirga tushirdi. Ukraina Xavfsizlik xizmatining “razvedka boshqarmasi xodimlari tomonidan amalga oshirilgan maxsus operatsiya chogʻida Rossiya Qurolli Kuchlarining 488-gvardiya motooʻqchilar polki va chechenistonliklardan iborat “Axmat” boʻlinmasi askarlari taslim boʻlgan.
Ukraina
Xavfsizlik xizmati (SBU) maxsus boʻlinmalari Rossiyaning Kursk viloyatida 102
nafar rus askarini qoʻlga oldi, deya xabar
bermoqda «Gromadsʻke».
Nashr manbasining
soʻzlariga koʻra, Ukraina qoʻshinlari 14 avgust kuni Rossiya hududiga bostirib
kirishi davomida ilk marotaba bir martada yirik miqdordagi rus harbiylarini
asirga olgan. Qayd etilishicha, Rossiya Qurolli Kuchlarining 488-gvardiya motooʻqchilar
polki va chechenistonliklar iborat “Axmat” boʻlinmasi askarlari taslim boʻlgan.
Kursk
viloyatini himoya qilishga shoshilgan rossiyalik harbiy xizmatchilarning qoʻlga
olingani aks etgan video “Men yashashni xohlayman” loyihasi tomonidan eʻʻlon
qilingan: katta angarda olingan kadrlarda oʻnlab askarlarni koʻrish mumkin, ulardan
baʻʻzilarining yuzlari yopilgan.
RBKning
Ukraina Xavfsizlik xizmatidagi manbalariga koʻra, mahbuslar Ukraina qurolli
kuchlari Rossiya kompaniyalaridan birining qoʻrgʻoniga hujumi chogʻida qoʻlga olingan.
Operatsiyalar SBUning «A» Markaziy razvedka boshqarmasi xodimlari tomonidan amalga
oshirilgan, deya xabar beradi manbalar.
Rossiyalik
harbiylarning taslim boʻlishiga yordam beruvchi Ukrainaning “Men yashashni xohlayman”
loyihasi “Axmat” maxsus boʻlinmasidagi chechenlar ishtirokidagi videoni eʻʻlon
qilgan edi. Lavhalarda aksari harbiy kiyimda bir necha oʻnlab odamlar aks etgan.
Uch mahbus Grozniydan ekanligini tasdiqladi, ulardan biri “Axmat”da xizmat
qilganini aniqladi.
Financial
Times ukrain boʻlinmalari tomonidan eʻʻlon qilingan videomateriallarni tahlil
qilgan holda Ukraina qoʻshinlari Rossiyaning Kursk viloyatida jami 800 kv. km.
maydonni nazoratiga olgani, yuzlab rus harbiylarini asirga tushirganini maʻʻlum
qildi. Avvalroq Ukraina prezidenti Vladimir Zelenskiy ukrain boʻlinmalari Rossiyaning
1000 kv. km. maydonini bosib olganini maʻʻlum qilgan edi.
Mavzuga aloqador
-
Ukrain qoʻshinlari Kursk viloyatida Rossiya harbiylari karvoniga hujum qildi. Eng kamida 15 ta harbiy texnika yoʻq qilingan, yuzlab qurbonlar boʻlishi mumkin.
-
Ukraina prezidenti Vladimir Zelenskiy ukrain qoʻshinlari Rossiyaning Kursk viloyati hududidagi operatsiyasi davom etayotgani, 6 avgustdan buyon RF hududidagi 74 ta aholi manzilini oʻz nazoratiga olganini maʻʻlum qildi. Ukrain armiyasi maʻʻlumotlariga koʻra, soʻnggi 24 soat ichida Ukraina qurolli kuchlari turli yoʻnalishlarda 1 kilometrdan 3 kilometrgacha oldinga siljigan.
