Britaniyada musulmonlar va qora tanlilarga qarshi pogromlar uyushtirildi
Britaniya bosh vaziri Key Starmer butun mamlakat boʻylab musulmonlar va qora tanlilarga qarshi pogromlar uyushtirgan "oʻta oʻng qanot bezorilar" tezda javobgarlikka tortilishiga vaʻʻda berdi. Britan hukumati rahbarining aytishicha, barcha aqlli odamlar zoʻravonlikni qoralashi kerak.
"Men
shuni bilishingizni xohlaymanki, bu zoʻravon olomon bizning mamlakatimiz vakili
emas va biz ularni javobgarlikka tortamiz", - dedi Starmer pogromlarning
potentsial qurbonlariga telemurojaatida.
Yakshanba kuni ijtimoiy tarmoqlar va ommaviy axborot vositalarida oʻta oʻngchi namoyishchilar olomon tomonidan qora tanli oʻtkinchilarni kaltaklangani va qirgʻin qilingani aks etgan yangi videolar tarqaldi. Namoyishchilar tartibsizliklardan foydalanib, Britaniya boʻylab doʻkonlarni ham talon-taroj qilishdi.
Hukumat
nafaqat tartibsizliklarni, balki “Internet muhitini qizdirib, keyin
yashiringanlarni” ham javobgarlikka tortishga vaʻʻda berdi.
Sobiq
konservativ bosh vazir Rishi Sunak ham tartibsizliklarni qoraladi: “Britaniya
koʻchalarida biz koʻrayotgan hayratlanarli manzaralarning Sautportdagi fojiaga hech
qanday aloqasi yoʻq. [...] Politsiya bu jinoyatchilar bilan tezda kurashish
uchun bizni toʻliq qoʻllab-quvvatlaydi va ular qonunning toʻliq ogʻirligiga duch
kelishlari kerak".
Ichki ishlar vaziri Ivette Kuper “mahalliy masjidlarga uyushtirilgan sharmandali
tahdidlar va hujumlar tufayli” ularni
koʻproq himoya qilish uchun 29,4 million funt sterling mablagʻ ajratishga vaʻʻda
berdi: pogrom xavfi ostidagi masjidlarga qoʻshimcha xavfsizlik xodimlari taklif
qilinishi mumkin.
Tell Mama tahliliga koʻra, jami 10 ta masjid, jumladan
Sautport, Liverpul va Xartlpuldagi islomiy ibodatxonalarga hujum uyushtirilgan yoki tahdid
qilingan.
Eslatib
oʻtamiz, oʻtgan hafta boshida musulmonlar va qora tanlilarga qarshi boshlangan
pogromlar yakshanba kuni butun mamlakat boʻylab tarqaldi. Zoʻravonliklar Sautportdagi bolalar raqs
sinfiga pichoqli hujum
uch qizchaning oʻlimiga
sabab boʻlganidan keyin avj oldi. Gumonlanuvchi Ruandalik oilada tugʻilgan 17 yoshli
Aksel Rudakubana boʻlib chiqdi.
Ruanda musulmon davlati emasligi va gumonlanuvchi Aksel
Rudakubana noqonuniy muhojir boʻlmaganiga qaramay, oʻta oʻng kanallarda hujumchi
goʻyoki islom diniga eʻʻtiqod qilgani va mamlakatda noqonuniy yashayotgani haqida
dezinformatsiyalar tarqaldi. Bir qator oʻta oʻngchi nashrlar hatto 17 yoshli
gumonlanuvchi uchun “Ali Al-Shakati” islomiy ismini ham oʻylab topishgan. Bu
ijtimoiy tarmoqlarda islomofobik kayfiyatning tez oʻsishiga va undan keyingi
pogromlarga olib keldi.
Mavzuga aloqador
-
Britaniya hukumati “ayrim antimusulmon kuchlarning keskinlikni keltirib chiqarishiga yoʻl qoʻymaslik uchun” britaniyalik musulmonlarni himoya qilishga 4 yil davomida 117 million funt sterling (taxminan 150 million dollar) ajratishga qaror qildi. Yangi mablagʻ masjidlar, musulmon diniy maktablari va boshqa jamoat markazlarini qoʻllab-quvvatlashga sarflanadi.
-
Britaniyaning Sautport shahrida dushanba kuni raqs darsida nomaʻʻlum shaxs bolalarga hujum qildi, ulardan uch nafari halok boʻldi, bir qanchasi yaralandi. Hujumchining Ugandadagi genotsiddan qochib, Britaniyada panoh topgan oilaning 17 yoshli oʻgʻli amalga oshirgani aytilmoqda. Hodisadan soʻng shaharda tartibsizliklar roʻy berdi, yuzlab oʻta oʻng ekstremistlar Islam Society masjidiga hujum uyushtirdi.
