Bangladeshda oʻqituvchi-professor va teleyulduzlar talabalarning qamoqqa olinishiga qarshi namoyishga chiqdi
Bangladeshda professor-oʻqituvchilar va televidenie xodimlari mustaqillik kurashchilari yaqinlariga davlat xizmatiga kvotalar ajratishga qarshi norozilik namoyishiga chiqqani uchun hibsga olingan talabalar ozod qilinishini soʻrab namoyishga chiqishdi. Oʻtgan oy yuzlab qurbon berigan norozilik namoyishlarida kamida 11 ming kishi hibsga olingan.
Bangladesh
universitetining yuzlab oʻqituvchilari va teleyulduzlari payshanba kuni Dakkada oʻtgan
oy ommaviy namoyishlarni bostirish vaqtida hibsga olingan talabalar ozod etilishini
talab qilib namoyish oʻtkazdi.
Talabalar
iyulʻ oyi boshidan beri davlat ishlarining asosiy qismini mamlakatning 1971
yildagi ozodlik urushida qatnashganlarning avlodlariga berishni nazarda tutuvchi
qoidaga qarshi chiqishmoqda.
Iyulʻ oyi
oʻrtalarida mamlakat boʻylab boʻlib oʻtgan talabalar namoyishlarida xavfsizlik
kuchlari bilan toʻqnashuvlar sodir boʻldi, natijada 200 dan ortiq kishi halok boʻldi,
yuzlab talabalar jarohatlandi.
Oxir-oqibat,
Oliy sud oʻtgan hafta davlat xizmatidagi ish oʻrinlari boʻyicha kvotani bekor qildi,
biroq uning ortidan talabalar etakchilari va namoyishchilarga qarshi tazyiq
oʻtkazildi, 11 mingdan ziyod kishi hibsga olindi.
Namoyishlar
shu haftada ham davom etdi, talabalar Dakka va boshqa shaharlarda zoʻravonlik uchun
javobgarlikni hamda hibsga olinganlar ozod etilishini talab qilib, alohida
mitinglar oʻtkazgan yangi guruhlarga qoʻshildi.
"Dhaka
universiteti va boshqa baʻʻzi universitetlardan 200 ga yaqin oʻqituvchilar bizga qoʻshildi...
Oʻqituvchilarning bu noroziligi taʻʻqib va hibsga olingan talabalar bilan
birdamlik bildirishdir", - dedi Dakka universiteti sotsiologiya boʻlimi
oʻqituvchisi Samina Lutfa Arab News nashriga.
Dakka
oʻqituvchilarining noroziligi universitet kampusidagi 1971 yilda Bangladesh
mustaqilligiga olib kelgan Pokistonga qarshi ozodlik urushida qatnashganlar xotirasiga
oʻrnatilgan Aparajeyo Bangla yodgorligi oldida boʻlib oʻtdi.
Ular,
shuningdek, ikki hafta oldin norozilik bildirayotgan talabalarni tozalash uchun
kampusga kirgan xavfsizlik kuchlarining universitet hududini tark etmayotganiga
ham qarshi chiqdilar.
“Biz Dakka universiteti kampusidan politsiyani zudlik bilan
olib chiqishni talab qildik”, dedi Lutfa.
“Koʻplab boshqa universitetlarning professor-oʻqituvchilari ham
bugun oʻz kampuslarida norozilik namoyishlari uyushtirishdi. Men allaqachon Rajshahi
universiteti, Jahangirnagar universiteti, Shimoliy Janubiy universiteti,
Mustaqil universitetdan maʻʻlumot oldim. Namoyishga davlat va xususiy
universitetlarning oʻqituvchilari qoʻshildi”.
Mavzuga aloqador
-
Bangladeshda hukumatning ishga joylashish kvotasiga qarshi namoyishlar tartibsizliklarga aylanib, 28 kishining hayotiga zomin boʻldi. Namoyishchilar davlat televideniesi idorasiga bostirib kirgan, binoning avtoturargohi va foyesida yongʻin boshlagan. Mamlakatdagi barcha masjidlarda tartibsizliklarda halok boʻlganlar uchun gʻoyibona janoza namozi oʻqilmoqda.
-
Bangladesh Oliy sudi yakshanba kuni mamlakat boʻylab talabalar noroziligiga sabab boʻlgan mustaqillik uchun kurashganlarning farzandlarini davlat ishiga olish boʻyicha 30 foizlik kvotani bekor qildi. Oxirgi kunlarda roʻy bergan ommaviy tartibsizliklar natijasida kamida 114 kishi halok boʻldi.
