Qirgʻiziston uran va toriy konlarini oʻzlashtirishga taqiqni bekor qilmoqchi
Qirgʻiziston uran va toriy konlarini qidirish va oʻzlashtirishga qoʻyilgan taqiqni bekor qilishni taklif qilmoqda. Taqiq 2019 yil dekabrida “uran mojarosi”dan keyin joriy qilingan edi.
Qirgʻiziston Tabiiy resurslar, ekologiya va texnik nazorat vazirligi
uran va toriy konlarini tadqiq qilish, qidirish va oʻzlashtirishga qoʻyilgan taqiqni
bekor qilish toʻgʻrisidagi qonun loyihasini jamoatchilik muhokamasi uchun eʻʻlon
qildi.
Qonun loyihasi uchun masʻʻul Atrof-muhitni muhofaza qilish va
oʻrmon xoʻjaligi davlat agentligining taʻʻkidlashicha, mazkur taqiq xalqaro va milliy
inqirozli vaziyatlarning mamlakat iqtisodiyoti va umumiy rivojlanishiga salbiy
oqibatlarini yanada kuchaytirgan.
“2020–2023 yillardagi voqealarning ogʻir iqtisodiy
oqibatlarini hisobga olib, Qirgʻiziston iqtisodiyoti zudlik bilan boshqa daromad
manbalariga muhtoj”, — taʻʻkidlaydi qonun loyihasi mualliflari.
Qonun loyihasi jamoatchilik muhokamasi portaliga joylashtirilishidan oldin mamlakat prezidenti
Sadir Japarov intervʻyu berib, uran masalasida “vahimaga tushmaslikka” chaqirgandi.
“Ikkinchi Qumtor (Qirgʻizistondagi oltin koni) ochildi, deb
aytishimiz mumkin. U erda 10 ga yaqin kon mavjud. Birgina kondan 2 milliard dollardan ortiq sof foyda
olamiz. Oʻtgan yili «Qumtor»ning sof foydasi 300 million dollardan oshdi,
kompaniya 30 milliard somga
yaqin soliq toʻlagan. Agar bu soha ishlay boshlasa, xalq va davlat uchun ham foyda
boʻladi”, - deya tushuntirdi Qirgʻiziston
rahbari.
Prezident titanomagnetit tarkibidagi uran miqdori minimal va
xavf tugʻdirmasligini taʻʻkidladi. Shuningdek, u boyitilgan uranga ehtiyotkorlik
bilan munosabatda boʻlish hamda
qazib olingandan soʻng uchastkaning meliorativ holatini rejalashtirish zarurligini
taʻʻkidladi.
Uran va toriy konlarini oʻzlashtirishni taqiqlovchi qonun 2019
yil dekabrida Tosh-Buloq konida uran qazib olishga qarshi petitsiya va mitinglar
bilan bogʻliq “uran mojarosi”dan soʻng kiritilgan edi. Hukumat bu sohadagi
ishlarni toʻxtatdi, keyin esa parlament oʻzlashtirish ishlarini toʻliq taqiqladi.
.png)
Mavzuga aloqador
-
Bishkekda Qirgʻiziston prezidenti va boshqa rasmiy shaxslar ishtirokida ikkinchi Xalq qurultoyi oʻz ishini davom ettirmoqda.
-
Qirgʻiziston prezidenti Sadir Japarov “Chet el agentlari toʻgʻrisida”gi qonun muhokamasi munosabati bilan xavotir bildirgan AQSh davlat kotibi Entoni Blinkenga mamlakat ichki ishlariga aralashmaslikni soʻradi.
