Prezident ehtimoliy teraktlarning oldini olish choralarini koʻrishni topshirdi
Shavkat Mirziyoev huquqni muhofaza qiluvchi organlar va kuch tuzilmalari rahbarlari ishtirokidagi yigʻilishda IIV va Milliy gvardiyaga aholi gavjum joylarda sodir etilishi mumkin boʻlgan terrorchilik harakatlarining oldini olishga qaratilgan taʻʻsirchan choralarni koʻrishni topshirdi.
Shavkat Mirziyoev 29 mart kuni huquqni muhofaza qiluvchi
organlar va kuch tuzilmalari rahbarlari ishtirokida jamoat xavfsizligini
taʻʻminlash masalalari yuzasidan yigʻilish oʻtkazdi. Bu haqda prezident matbuot
xizmati xabar berdi.
Yigʻilishda Ichki ishlar vazirligi va Milliy gvardiya
rahbariyatining savdo va xizmat koʻrsatish sohasi yirik obʻʻektlarida, jumladan,
savdo-koʻngilochar majmualar, bogʻlar, bozorlar va boshqa fuqarolar gavjum
boʻladigan joylarda jamoat tartibini saqlash ishlarining tashkil etilishi
toʻgʻrisidagi hisobotlari tinglandi.
Jamoat xavfsizligiga yangi tahdid va xatarlar tobora ortib
borayotgan bugungi sharoitda jamoat tartibini saqlash va fuqarolar xavfsizligini
taʻʻminlashda huquqni muhofaza qilish idoralari va tadbirkorlik subʻʻektlari
oʻrtasidagi hamkorlikni kuchaytirish zarurligi taʻʻkidlandi.
Shu bilan birga, jamoat xavfsizligini taʻʻminlash bilan bogʻliq
chora-tadbirlarni amalga oshirish jarayonida tadbirkorlik subʻʻektlari va
fuqarolarning huquqlari va qonuniy manfaatlarini soʻzsiz taʻʻminlash muhimligi
qayd etildi.
Davlat rahbari huquqni muhofaza qiluvchi organlar, fuqarolik
jamiyati institutlari va tadbirkorlik subʻʻektlarining bu borada toʻlaqonli
hamkorlik qilishlarini taʻʻminlashga qaratilgan normativ-huquqiy hujjat loyihasini
ishlab chiqishga topshiriq berdi.
Xususan, Ichki ishlar vazirligi va Milliy gvardiya rahbariyati
oldiga jamoat tartibini saqlash boʻyicha olib borilayotgan ishlarni yanada
kuchaytirish, aholi gavjum boʻladigan joylarda sodir etilishi mumkin boʻlgan
terrorchilik harakatlari va boshqa favqulodda vaziyatlarning oldini olishga
qaratilgan taʻʻsirchan choralarni koʻrish vazifasi qoʻyildi.
Avvalroq Toshkent shahri IIBB va Milliy gvardiya xodimlari
savdo majmualari, koʻngilochar maskanlar, bozorlar va boshqa jamoat joylarida
kuchaytirilgan tartibda xizmat olib borayotgani maʻʻlum qilingandi.
.png)
Mavzuga aloqador
-
Tojikiston Milliy xavfsizlik davlat qoʻmitasi “Krokus Siti Xoll”da terakt sodir etganlar bilan aloqadorlikda gumonlanayotgan 9 kishini qoʻlga oldi. Ularni qoʻlga olishda Dushanbeda joylashgan Rossiya xavfsizlik kuchlari ishtirok etgan. Rossiyada esa teraktda aloqadorlikda gumonlanayotgan yana bir tojikistonlikka nisbatan ish ochildi.
-
Rossiyaning Oltoy oʻlkasida Oʻzbekiston fuqarosi Moskvadagi «Krokus Siti Xoll»da sodir etilgan terakt haqida omma oldida aytgan fikrlari uchun terrorizmni oqlaganlikda ayblanib, qamoqqa olindi. Unga besh yilgacha qamoq jazosi berilishi mumkin.
