Tojikistonda “Krokus”dagi teraktda aloqadorlikda gumonlanib 9 kishi qoʻlga olindi
Tojikiston Milliy xavfsizlik davlat qoʻmitasi “Krokus Siti Xoll”da terakt sodir etganlar bilan aloqadorlikda gumonlanayotgan 9 kishini qoʻlga oldi. Ularni qoʻlga olishda Dushanbeda joylashgan Rossiya xavfsizlik kuchlari ishtirok etgan. Rossiyada esa teraktda aloqadorlikda gumonlanayotgan yana bir tojikistonlikka nisbatan ish ochildi.
Tojikiston
Milliy xavfsizlik davlat qoʻmitasi xodimlari IShID-Xuroson terrorchilik guruhi va
«Krokus Siti Xoll» kontsert zaliga hujum qilganlar bilan aloqadorlikda gumon
qilingan toʻqqiz nafar mahalliy aholini qoʻlga oldi. Bu haqda Reuters
va RIA Novosti Tojikiston
maxsus xizmatlaridagi manbalariga tayanib xabar qildi.
Gumonlanuvchilar
25 mart, dushanba kuni terakt sodir etgan ikki terrorist yashagan Vahdat shahrida qoʻlga
olinib, soʻngra Dushanbega olib ketilgan.
Qayd
etilishicha, tezkor tadbirlarda Tojikiston poytaxtida joylashgan Rossiya xavfsizlik
kuchlari ishtirok etgan. Hibsga olinganlar boʻyicha boshqa tafsilotlar maʻʻlum emas.
Moskvaning
Basmanniy sudiga esa «Krokus» terakti ishi boʻyicha toʻqqizinchi gumonlanuvchi boʻyicha
materiallar kelib tushdi, deb yozmoqda
“Baza” Telegram-kanali. Uning ismi Nazrimod Lutfulloi. Tergov uni hibsga olishni
soʻramoqda.
.png)
Mavzuga aloqador
-
Rossiya prezidentiga Krokus Siti Xolldagi teraktda ishtirok etganlikda gumonlanib 11 kishi, jumladan toʻrt terrorist qoʻlga olingani haqida maʻʻlumot berildi. Ijtimoiy tarmoqlarda terrorchilarning Tojikiston fuqarolari ekani haqidagi xabarlar tarqaldi. Oʻz navbatida, Tojikiston TIV ushbu xabarlarni “feyk” deb atadi. Terakt qurbonlari soni 93 nafarga etdi.
-
Moskvaning Basmanniy sudi tergov talabiga binoan “Krokus Siti Xoll”dagi terakt boʻyicha jinoiy ish boʻyicha yana uch nafar ayblanuvchi – aka-uka Dilovar va Aminjon Islomovlar hamda ularning otasi Isroilni hibsga olish toʻgʻrisida qaror qabul qildi. Fojia qurbonlari soni esa 139 nafarga, jabrlanganlar 361 nafarga etdi.
