Irlandiyada masjidga oʻt qoʻymoqchi boʻlgan shaxs ushlandi
Shimoliy
Irlandiya politsiyasi Doun grafligidagi masjidga hujum qilgan islomofob jangari
shaxsni aniqlab, hibsga oldi, deya xabar qildi Belfast Telegraph.
42 yoshli
irlandiyalik asosan Bangladesh diasporasi tashrif buyuradigan masjidga hujum
qilganlikda gumonlanib hibsga olindi. Shanba kuni ertalab masjid binosiga hujum
qilgan shaxs molotov kokteylini uloqtirgan, biroq moʻʻʻjizaviy tarzda yongʻin chiqmagan.
Hujum oqibatlarini bomdod namoziga kelgan dindorlar tomonidan aniqlangan.
“42 yoshli
erkak jinoyatlar, jumladan, oʻt qoʻyish, portlovchi moslamani saqlash va qoʻrqitishga
urinishda gumonlanib hibsga olindi. U hibsda qolmoqda”, — dedi politsiya vakili.
Oilasining
4 avlodi ushbu masjidga tashrif buyurgan muqimlardan Abdulrobning soʻzlariga koʻra,
mahalliy aholi sodir boʻlgan voqeaga katta hamdardlik bilan munosabatda boʻlishgan
va musulmon jamiyatiga yordam koʻrsatishgan.
"Mahalliy
aholining hammasi sodir boʻlganidan afsusda ekanliklarini aytishdi, ular bizga
gullar, pirog, pechenʻe va boshqa koʻp narsalarni olib kelishmoqda", - dedi
musulmon.
Mavzuga aloqador
-
Irlandiya bosh vaziri Evropa Ittifoqi Gʻazo sektoridagi voqealar boʻyicha qatʻʻiy va yagona pozitsiyani egallay olmagani uchun oʻziga boʻlgan ishonchni yoʻqotganini taʻʻkidladi.
-
Irlandiya bosh vaziri Leo Varadkar AQSh prezidenti Jo Bayden bilan uchrashuvda irlandiyaliklarning falastinliklar bilan oʻxshash jihatlari haqida gapirdi. “Ularning koʻzlarida oʻz oʻtmishimizni koʻramiz: majburiy koʻchirilish, mol-mulkdan mahrum etilish, shubha ostiga olingan va rad etilgan milliy oʻziga xoslik, kamsitilish va hozir ocharchilik hikoyasini”, - dedi u.
