Britaniyada masjidlarni yoqish va imomlarni oʻldirish bilan tahdid qilgan shaxs qamaldi
Britaniyaning Kent viloyatida 30 yoshli Bleyk Xindri nomaʻʻlum raqamdan Londondagi masjidga qoʻngʻiroq qilib, masjidni yoqib yuborish va imomini oʻldirishini aytdi. Uning Londondagi yana toʻrtta masjidga tahdidli qoʻngʻiroqlarni amalga oshirgani maʻʻlum boʻldi. Erkak sudda oʻz aybini tan oldi va 2 yilu 6 oy muddatga qamaldi.
Britaniyada
beshta masjidni yoqib yuborish va musulmon etakchilarini oʻldirish bilan tahdid qilgan
erkak qamoqqa olindi.
Kent
viloyati Rouzberi Roud shahrida yashovchi 30 yoshli Bleyk Xindri 5 avgust kuni
nomaʻʻlum raqamdan Londondagi masjidga tahdidli qoʻngʻiroq qilgan. U uch
kundan keyin hibsga olingan.
U Meydston
magistrat sudida masjidlarga tahdidli qoʻngʻiroqlar qilganlikda aybini tan
oldi va payshanba kuni ikki yilu olti oyga qamoq jazosiga hukm qilindi.
Bino ichidagilarni ham oʻldirish bilan tahdid qilgan Hindri
Londondagi yana toʻrtta masjidga bir necha marta tahdidli telefon qoʻngʻiroqlarini amalga
oshirgan.
Politsiya, raqam yashirin boʻlishiga qaramay, Hindriga
qoʻngʻiroqlarni kuzatish uchun “tunu tun ishlayotganini” aytdi.
"Biz musulmon jamoalari mamlakatda soʻnggi haftalarda
kuzatilgan zoʻravon tartibsizliklar va jinoyatlardan keyin oʻz xavfsizligi haqida
ayniqsa tashvishlanayotganini tushunamiz, - dedi Metropolitan politsiya qoʻmondoni Luiza Puddifut. - Jamoalarimiz ushbu
tartibsizliklar davrida sodir etilgan barcha huquqbuzarliklarni tekshirishda davom
etmoqda va jamiyatlarda ishonchni mustahkamlash uchun astoydil harakat qilmoqdamiz”.
Mavzuga aloqador
-
Britaniyada “Pride of Britain” (“Britaniya faxri”) mukofotiga sazovor boʻlgan etnik turkman ayolga 20 yoshlar atrofidagi 3 yigit hujum qilib, kaltaklagan, uni haqoratlab, “musulmon yurtiga qaytib ketish”ni talab qilgan. Ishbilarmon ayol Maya Amangeldieva Turkmanistonda tugʻilgan, biroq uzoq yillardan beri Britaniyada yashaydi.
-
Lids universiteti professori Salmon Sayyid Britaniya boʻylab boʻlib oʻtgan musulmonlarga qarshi namoyishlar islomofobik tashviqotlar mahsuli ekanini maʻʻlum qildi. Biroq, uning taʻʻkidlashicha, oʻn yillar davomida olib borilgan tashviqotlarga qaramasdan, musulmonlar, nomusulmonlar, turli irq vakillari, soʻlchilar va irqchilikka qarshi boʻlgan barcha pogromchilarga qarshi namoyishlarga chiqib, ularning ovozlarini oʻchirdi.
