Qirgʻizistonda muzqaymoq ortilgan yuk mashinasi oʻnlab bolalarni bosib ketdi
Qirgʻizistonning Jalolobod viloyatida muzqaymoq ortilgan kichik yuk mashinasi «Manas» dostonini oʻqish boʻyicha umumxalq aktsiyasida ishtirok etayotgan bir guruh maktab oʻquvchilarini bosib ketdi. Soʻnggi maʻʻlumotlarga koʻra, hodisa oqibatida 31 bola jarohat oldi. Haydovchi qoʻlga olindi.
2 may
kuni taxminan soat 13:30 da Qirgʻizistonning Jalolobod viloyatida Soʻzoq tumanida
muzqaymoq ortilgan kichik yuk mashinasi 31 bolani urib yubordi.
«Kabar»
milliy agentligi xabariga koʻra, hodisa Jerge Tal qishlogʻida «Manas» dostonini oʻqish
boʻyicha umumxalq aktsiyasi oʻtkazilayotgan vaqtda sodir boʻlgan.
Agentlikning
aytishicha, qurbonlar 9 yoshdan 16 yoshgacha boʻlganlar. 12 nafar bola viloyat
shifoxonasiga yotqizilgan, 3 nafarining ahvoli ogʻir deb baholanmoqda. Suzoq
tuman kasalxonasida 3 nafar, markaziy shifoxonada 8 nafar bola yotibdi. Ularning
ahvoli oʻrtacha ogʻir deb baholanmoqda.
11 nafar bolaga voqea joyida tibbiy yordam koʻrsatilib,
ambulator davolanishga joʻnatilgan.
Turmush.kg saytining xabar
qilishicha, haydovchi bolalarga bepul tarqatish uchun muzqaymoq olib kelgan. Mashinadan
tushib, maktab direktoriga qoʻngʻiroq qilmoqchi boʻlganida avtomobilʻ yurib ketgan. Haydovchisi
hibsga olingan va unga qarshi jinoyat ishi qoʻzgʻatilgan.
.png)
Mavzuga aloqador
-
Oʻzbekiston prezidenti Ramazon hayiti arafasida 426 nafar mahbusni afv etish toʻgʻrisidagi farmonni imzoladi. Afv etilganlarning 135 nafari asosiy jazodan toʻliq, 200 nafari shartli ozod etildi. Ular orasida 11 nafar xorijlik va 3 nafar voyaga etmagan shaxslar bor.
-
Turkiya va Oʻzbekiston oʻrtasida ommaviy axborot vositalari va kommunikatsiya sohalarida hamkorlik qilish toʻgʻrisidagi Ahdlashuv bayonnomasi imzolandi. Bayonnoma bilan, jumladan, qoʻshma yigʻilishlar, seminarlar, amaliy mashgʻulotlar, treninglar va konferentsiyalar tashkil etilib, OAV, aloqa va teleradioeshittirish sohalarida rasmiy shaxslar va ekspertlar oʻrtasida tashriflar almashinuvi ragʻbatlantiriladi.
