Janubiy Koreya musulmonlari federatsiyasi bilan memorandum imzolandi
Foto: Oʻzbekiston musulmonlari idorasi
Oʻzbekiston musulmonlari idorasi va Janubiy Koreya musulmonlari federatsiyasi oʻrtasida anglashuv memorandumi imzolandi. Unda diniy taʻʻlim va imom-xatiblar tajriba almashinuvini yoʻlga qoʻyish, Janubiy Koreyada mehnat muhojirlari koʻp joylashgan hududlardagi jome masjidlarga oʻzbekistonlik imom-xatiblarning maʻʻrifiy suhbatlar tashkil etish kabilar koʻzda tutilgan.
Oʻzbekiston
musulmonlari idorasi raisi, muftiy Shayx Nuriddin Xoliqnazar 16 aprelʻ kuni
Janubiy Koreyaga safari doirasida ushbu mamlakat Musulmonlar federatsiyasi prezidenti
Xvang Byong Xa-Ahmad hamda Janubiy Koreya musulmonlari jamoati bosh imomi Li Ju
Xva-Abdurahmon Li bilan uchrashuv oʻtkazdi.
Uchrashuv
yakunida Oʻzbekiston musulmonlari idorasi va Janubiy Koreya musulmonlari
federatsiyasi oʻrtasida hamkorlikni yanada rivojlantirish uchun asos boʻladigan
anglashuv Memorandumi imzolandi. Mazkur hujjat asosida diniy sohadagi
hamkorlikni mustahkamlash, diniy taʻʻlim va imom-xatiblar tajriba almashinuvini
yoʻlga qoʻyish, yot gʻoyalarga birgalikda qarshi kurashish va hamkorlikda anjumanlar
oʻtkazish kabilarni amalga oshiriladi.
Shuningdek, Janubiy Koreyada mehnat migrantlari koʻp joylashgan
hududlardagi jome masjidlarga oʻzbekistonlik imom-xatiblarning uzluksiz maʻʻrifiy
suhbatlar tashkil etish imkoniyatlari paydo boʻladi.
Muloqotda,
shuningdek, mamlakatlar oʻrtasidagi hamkorlik tobora rivojlanib
borayotgani, diniy idoralar oʻrtasida aloqalari yoʻlga qoʻyilgani, oʻtgan Ramazon
oyida bir guruh oʻzbekistonlik ulamolar Janubiy Koreyaning Seul, Kojedo, Kimxe,
Cheongju, Mokpo kabi shaharlaridagi tadbirlarda mahalliy aholi va vatandoshlar
bilan maʻʻrifiy suhbatlar oʻtkazgani taʻʻkidlandi.
.png)
Mavzuga aloqador
-
Istanbulda Turkiya prezidenti Rejep Tayyip Erdogʻan ishtirokida Imom Termiziyning “Sunan” asarini xatm qilgan yosh olimlarga muhaddis Shayx Muhammad Avvoma tomonidan maxsus ijozalar taqdim etildi. Marosimda Musulmonlar idorasi, Din ishlari boʻyicha qoʻmita rahbarlari va boshqa Oʻzbekiston vakillari ham qatnashdi.
-
Islomni qabul qilgan taniqdi K-pop xonandasi, koreyalik Daud Kim Incheon shahrida masjid qurishni rejalashtirmoqda. "Koreyadagi har bir koʻcha goʻzal azon sadolariga toʻlguncha harakat qilaman", – deb yozdi u.
