Тошкентда Туркий халқлар тарихида Туркистоннинг ўрнига бағишланган анжуман ўтказилди
Toshkentda Turkiy xalqlar tarixida Turkistonning oʻrniga
bagʻishlangan anjuman oʻtkazildi
5-6 dekabrʻ kunlari Toshkentda “Turkiy xalqlar tarixida
Turkistonning oʻrni” mavzusida xalqaro konferentsiyasi oʻtkazildi. Bu haqda Oʻzbekiston
Axborot agentligi (OʻzA) xabar qildi.
Anjumanda Turkiya, Oʻzbekiston, Qozogʻiston, Ozarbayjon, Qirgʻiziston va boshqa davlatlardan tashrif buyurgan olimlar, xalqaro tashkilotlar vakillari turli mavzularga bagʻishlangan maʻʻruzalari bilan qatnashdi.
Turkiy xalqlar tarixini yanada chuqurroq oʻrganish,
siyosiy, iqtisodiy, madaniy, geografik oʻtmishini talqin qilish, milliy-madaniy
oʻzligiga tayanib mushtarak tarixini, birlik va qardoshlik gʻoyasiga xizmat qiladigan
manbalarni yaratish va kelajak avlod uchun etkazib berish anjuman maqsadini tashkil
etdi.
Tadbirni kirish soʻzlari bilan ochib bergan Turkiy
davlatlar geografiya kengashi bosh kotibi Oybek Norinboev boy madaniyat, tarixga
ega Turkiy davlatlar faoliyatidagi samarali harakat, tarix bilan bogʻlaganda
Turkistonning beqiyos oʻrni xususida fikr yuritdi.
Shuningdek, Oʻzbekiston Jurnalistika va ommaviy kommunikatsiyalar universiteti rektori Sherzodxon Qudratxoʻja, Turkiy davlatlar tashkiloti Bosh kotibi oʻrinbosari Mirvohid Azimov, Istanbul Tijorat universiteti rektori Abdulhamid Avshar, Oʻzbekiston Fanlar akademiyasi Tarix instituti direktori Azamat Ziyo nutq soʻzlab, xalqaro konferentsiyaning bugungi kundagi tarixiy ahamiyati haqida alohida toʻxtaldi.
“Xalqaro konferentsiya doirasida turk olami hamkorligi,
buyuk Turkistonning beqiyos oʻrni, bugungi Turkiy davlarlar tashkiloti faoliyatidagi
ahamiyatini muhokama qildik, – dedi Turkiyaning Selchuk universiteti Adabiyot
fakulʻteti professori Mustafo Demirji”.
Tadbirda, shuningdek, Turkiy davlatlar olimlari oʻrtasidagi qoʻshma
loyihalarsiz maqsadlarga erishish mushkul ekani maʻʻlum qilindi. Shu bois, oʻzaro
birlashish, hamkorlikda ishlarni rivojlantirish zarurligi ham aytildi.
Anjuman doirasida turkiy birlik, turk dunyosining qadim oʻtmishi, Turkiston
davlatchiligi, turkiylar madaniyati va sanʻʻati, Turkiston xalqlarining fanga,
islom dini rivojiga qoʻshgan hissasi mavzularidagi maʻʻruzalar tinglandi.
“Bugun biz davlat rahbarlari ijobiy misollarida
koʻryapmizki, Turkiy xalqlarga bugun ahillik, birdamlik, jipslik kerak, – dedi
OʻzJOKU rektori Sherzodxon Qudratxoʻja. – Bugun biz hatto bitta oʻrta turkiy tilda
gaplashmoqchimiz. Garchand jugʻrofan har xil qitʻʻalarda joylashgan boʻlsakda, turkiy
davlatlar hamkorligi bizni birlashtirmoqda”.
Ilmiy-amaliy yigʻilishda “Turkistonda siyosat va
boshqaruv, Turkiy davlatchilik anʻʻanalarining asoslari”, “Turkistonda ilm-fan va
madaniyat yoxud Oʻrta asr klassik Islom madaniyati timsolida Movarounnahr”,
“Turkistonning meʻʻmoriy obidalari va sanʻʻati”, “Turkistonning Turkiy va mintaqa
xalqlari hayotidagi oʻrni va ahamiyati”, “Turkiston va Turkiy dunyo” kabi
mavzularda taqdimotlar namoyish etildi.
Anjumanning amaliy natijasi sifatida maʻʻruzachi olimlar, ishtirokchilarning ilmiy maqolalari alohida toʻplam shaklida nashr etiladi.
.png)
Mavzuga aloqador
-
Bugun, 29 iyunʻ kuni BMT bosh kotibi Antoniu Guterrish Markaziy Osiyo davlatlariga safarini boshlaydi. Qayd etilishicha, u avval Oʻzbekistonga, soʻngra Qirgʻiziston, Qozogʻiston, Tojikiston va Turkmanistonga tashrif buyuradi. Shuningdek, Gutterish 4 iyulʻ kuni Shanxay hamkorlik tashkilotining Ostonadagi sammitida ishtirok etadi.
-
Qirgʻiziston hukumati oʻz fuqarolarini Rossiyaga safarlarini kechiktirishga chaqirdi. Qirgʻiziston Tashqi ishlar vazirligi bu chorani Rossiya Federatsiyasiga kirishda joriy oʻtish nazorati kuchaytirilgan rejim bilan izohladi. Departamentning qoʻshimcha qilishicha, hozirgi vaziyatda Rossiyaga sayohat qilish sababi faqat "joʻr sabablar" boʻlishi mumkin.
