Ислом сукуки (облигациялари) бозори 2024 йилда ўсишда давом этади - S&P
Standard & Poor's рейтинг агентлиги эълон қилган статистик маълумотларга кўра, 2024 йилнинг биринчи ярмида жаҳон миқёсида сукук эмиссиясининг умумий ҳажми 91,9 миллиард долларни ташкил этган, деб ёзади Atalayar нашри.
Сукук
эмиссияси ҳажми ўтган йилнинг шу даврига нисбатан бироз ошиб, қиймати 91,3
миллиард долларга етган, экспертларнинг фикрича, йилнинг иккинчи ярмида сукук
эмиссияси янада тезлашади.
S&P ҳисоботида
биринчи ярим йиллик якунида хорижий валютадаги сукук эмиссияси сезиларли
даражада – 23,8 фоизга ошиб, 32,7 миллиард долларга етгани қайд этилди.
Рейтинг агентлиги
ҳисоботига кўра, бу ўсишда асосий ҳисса Саудия Арабистони, Бирлашган Араб
Амирликлари, Уммон, Малайзия ва Қувайт эмитентларига тегишли бўлган.
Fitch Ratings аввалроқ эълон қилган
маълумотларга кўра, 2023 йилда дунёда муомалага чиқарилган сукук ҳажми қарийб
850 миллиард долларни ташкил қилган. 2024 йилги S&P ҳисоб-китобларига кўра, чиқарилган
янги сукук ҳажми 160-170 миллиардни ташкил этади, шунинг учун бу бозорнинг
умумий ҳажми 1 триллион доллардан ошиши мумкин.
Қайд этилишича, жорий йил бошидан буён исломий сукук облигацияларини
чиқаришда тезлашув кузатилган,
кўплаб давлат идоралари ва хусусий сектор ўз режаларини амалга оширишда зарур бўлган ликвидликни
таъминлаш учун ушбу воситага таянмоқда.
Мавзуга алоқадор
-
Ислом тараққиёт банки (ИТБ) Қирғизистонда 112 минг кв.метр давлат ипотека уй-жойларини қуриш учун 79 миллион доллар ажратди. Халқаро ишлар, мудофаа, хавфсизлик ва миграция қўмитаси 2024 йил 26 апрелда Саудия Арабистонининг Ар-Риёд шаҳрида имзоланган "Шариат стандартлари бўйича арзон уй-жойларни молиялаштириш" лойиҳаси бўйича Қирғизистон Республикаси ва Ислом тараққиёт банки ўртасидаги кредит шартномаларини ратификация қилиш тўғрисида"ги қонун лойиҳасини биринчи ўқишда маъқуллаган.
-
Марказий Осиё мамлакатлари орасида Қозоғистон ислом молиясидан фойдаланиш бўйича етакчи ўринни эгаллайди. Минтақадаги барча исломий молиянинг 68 фоизи ушбу давлат ҳиссасига тўғри келмоқда. Экспертлар Марказий Осиё мамлакатларида исломий молияни ривожлантириш учун катта салоҳият мавжудлигини қайд этиб, келажакда ушбу секторнинг ўсишини таъкидламоқда
