Бомбаланаётган Ғазо: 255-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 255 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар:

  • Қурбон ҳайитнинг биринчи кунида босқинчилар Бурайж ва Нусайрат лагерлари, Аз-Зайтун ҳудуди ва Рафаҳга ҳужум қилиб, 5 нафар болани ўлдирди. Уруш бошланганидан буён шаҳид бўлганлар сони 37337 кишига етди.
  • Ғарбий Соҳилда ишғолчилар Байтлаҳм, Ерихо ва Қалкилияга бостириб киришди. 15 дан ортиқ фаластинлик ҳибсга олинди.
  • Ал-Қассам бригадалари Ғазо билан чегарадаги аҳоли пунктларига зарба берди, шунингдек, Рафаҳ ҳудудида ишғол танкларини йўқ қилди. Босқинчилар 24 соат ичида 12 аскарини йўқотганини даъво қилмоқда.
  • Ҳусийлар Қизил денгизда Америка эсминецига ва Исроилга кетаётган 2 та савдо кемасига ҳужум қилди.
  • Ал-Ақсо шифохонаси директори: "Касалхонада ярадорлар кўп, фақат уларни жойлаштириш учун жойимиз ва ёрдам кўрсатиш учун дори-дармонларимиз йўқ".
  • Ишғол кучлари Рафаҳ назорат-ўтказиш пунктидаги кутиш зали биносини тўлиқ ёқиб юборди.
  • Байден маслаҳатчиси Ливан билан вазият кескинлашмаслиги учун Исроилга ташриф буюрди.
  • БМТ: "50 000 Ғазо болалари тўйиб овқатланмаётгани сабабли шошилинч даволанишга муҳтож".
  • Байден: "Ғазода жуда кўп бегуноҳ одамлар, жумладан, минглаб болалар ўлдирилаётганини биламиз".

Мавзуга алоқадор

Энг кўп ўқилган

Тавсия қилинган

Реклама