Жазоир БМТ Хавфсизлик Кенгашига Ғазода зудлик билан ўт очишни тўхтатиш бўйича резолюция лойиҳасини тақдим этди
Жазоир БМТ Хавфсизлик Кенгашига Ғазо секторида зудлик билан ўт очишни тўхтатишга чақирувчи резолюция лойиҳасини тақдим этди. Жазоир давлат телевидениесига кўра, ҳужжат сешанба куни Хавфсизлик кенгашида овозга қўйилади.
АҚШ Жазоирнинг ташаббусига қарши чиқди. АҚШнинг БМТдаги
элчиси Линда Томас-Гринфилд якшанба куни Жазоир резолюцияси лойиҳаси
"қабул қилинмаслигини" айтди. Дипломат Вашингтон лойиҳани рад этиш
учун вето ҳуқуқидан фойдаланиши мумкинлигига шаъма қилди.
Эслатиб ўтамиз, айни пайтда Халқаро суд Жанубий Африканинг
Исроилни Ғазо секторидаги ҳарбий ҳаракатлар туфайли БМТнинг геноцид
конвенциясини бузганликда айблаган даъвосини кўриб чиқмоқда.
.png)
Мавзуга алоқадор
-
Гаагадаги БМТ Халқаро суди ЖАРнинг Ғазо секторида геноцид уюштиришда айбланаётган Исроилга қарши ЖАР даъвоси бўйича вақтинчалик чоралар тўғрисидаги ҳукмни эълон қилди. Халқаро суд Исроилга Геноцид тўғрисидаги конвенцияга мос тушувчи ҳаракатларни бартараф этиш учун зарур чоралар кўриш мажбуриятини юклади.
-
26 январь куни Гаагадаги БМТ Халқаро суди ЖАРнинг Исроилни Ғазода фаластинликларга қарши геноцид уюштирганликда айблаб киритган даъвоси юзасидан ҳукм чиқарди. Аксарият мамлакатлар, хусусан ЖАР, шунингдек, ҲАМАС ҳаракати томонидан олқишланган, Исроил ва унинг иттифоқчилари раддия берган қарор аслида нимани англатади? Бу якуний ҳукмми ёки Исроилга қарши кенг кўламли ҳукмларнинг бошланиши? Azon Global ушбу мавзуни ўрганди.
