Sudanda 500 kunlik fuqarolar urushi
Sudanda hukumat armiyasi va Tezkor harakat kuchlari oʻrtasidagi toʻqnashuvlar boshlanganiga 500 kun boʻldi. Bu davr mobaynida mamlakat har tomonlama tanazzulga yuz tutdi, 19 mingga yaqin inson halok boʻldi, 10 milliondan ziyoj kishi uy-joylarini tashlab ketishga majbur boʻldi.
Sharqiy
Afrika davlati Sudanda armiya va Tezkor harakat kuchlari (RRF) oʻrtasidagi
toʻqnashuvlar 500 kundan beri davom etmoqda.
Seshanba
kuni mamlakatda 2023 yil 15 aprelda boshlangan toʻqnashuvlarga roppa-rosa 500 kun
toʻldi.
Dunyodagi
eng katta koʻchish va ocharchilik inqiroziga sabab boʻlgan urush millionlab
sudanliklarning hayotini xavf ostiga qoʻydi.
Sudandagi
fuqarolar urushida 19 mingga yaqin tinch aholi halok boʻldi, 10 milliondan ortiq
kishi oʻz uylarini tashlab ketishga majbur boʻldi.
Bolalar
maktabga borolmaydigan mamlakatda sogʻliqni saqlash tizimi samarali faoliyat
koʻrsata olmaydi.
Sudan
armiyasi mamlakatning shimoli va sharqidagi Qizil dengiz, Shimoliy, Nil daryosi,
Kesela va Gadarif kabi shtatlarda, RRF esa Gʻarbiy, Sharqiy, Markaziy va Janubiy
Darfur, Gʻarbiy va Janubiy Kurdufan, Jazira va Xartum shtatlarini nazoratiga
olgan.
RRF
qanday tuzilma?
Wikipedia
maʻʻlumotlariga koʻra, RRF 2013 yilda hukumat tomonidan Darfurdagi urushda
qatnashgan “Janjavid” koʻngillilar qoʻshini asosida tashkil etilgan.
Darfurdagi
janglarda RRF harbiylar tomonidan boshqarilgan boʻlsa-da, tuzilma Milliy razvedka
va xavfsizlik xizmatiga boʻysungan. 2019 yilgi siyosiy inqiroz paytida ularning boʻlinmalari
noroziliklarni bostirish uchun ishlatilgan. RRF boshqa xavfsizlik kuchlari bilan
birgalikda 3 iyunʻ kuni Xartumda muxolifatchilarga qarshi qirgʻin uyushtirdi.
Sudan
ichidagi mojarolardan tashqari, RRF Liviya va Yamandagi harbiy harakatlarda ham qatnashgan.
2019 yil 25 iyulʻ kuni RRF ning 1000 ga yaqin jangarilari general Xaftarning
Tripoliga qarshi hujumini qoʻllab-quvvatlash uchun Liviyaga etib keldi.
2023 yil aprelʻ oyida general Muhammad Hamdan Daglo boshchiligidagi tashkilot amaldagi hukumat bilan qurolli mojaroga kirishdi.
Mavzuga aloqador
-
Sudanda oʻzaro urishayotgan tomonlar Bahraynda muzokaralar oʻtkazib, mamlakat birligini saqlash boʻyicha kelishib olgani maʻʻlum qilindi. Mazkur toʻqnashuvlar 12 ming kishining oʻlimiga, ocharchilik va millionlab insonlarning koʻchirilishiga sabab boʻldi.
-
Sudandagi urushda Eron va Birlashgan Arab Amirliklari uchuvchisiz uchoqlaridan foydalanilgani haqida baʻʻzi dalillar topildi.
