Rossiya TIV rasmiy vakili Frantsiyaning Moldovada mudofaa missiyasini ochishi va Janubiy Kavkazdagi harakatlarini faollashtirganiga munosabat bildirar ekan, bularni Parijning Afrikadagi muvaffaqiyatsizliklari oʻrnini qoplamoqchiligi bilan bogʻladi.

Oʻzbekiston tashqi ishlar vaziri Baxtiyor Saidov Rossiya TIV rahbari Sergey Lavrovga oʻzaro ishonchni mustahkamlash yoʻlida davlatlar bir-birlarining ichki ishlariga aralashmaslik tamoyiliga amal qilish muhimligini aytdi. Avvalroq Toshkentdagi maktabda rus tili oʻqituvchisi oʻquvchini urgani yuzasidan RF TIV rasmiy vakili Oʻzbekistondan rasmiy tushuntirish soʻralganini maʻʻlum qilgan edi.