Ekvadorda "ichki qurolli toʻqnashuv" holati eʻʻlon qilinganidan buyon jinoiy toʻdalarning 1534 nafar aʻʻzosi qoʻlga olindi. Bundan tashqari, amaliyotlar doirasida qurolli shaxslar tomonidan ushlab turilgan 11 nafar militsiya xodimi ozod qilinib, 575 dona oʻqotar qurol va 478 dona qoʻlbola portlovchi moddalar, shuningdek, 5,6 tonnaga yaqin narkotik moddalar musodara qilingan.

Ekvadorda "Los Choneros" narkoterroristik guruh rahbari, Fito laqabli Adolʻfo Masiyas Guayakilʻ shahridagi qamoqxonadan qochganidan soʻng mamlakatda qurolli tartibsizliklar boshlanib ketdi - toʻda aʻʻzolari avtomobilʻ va avtobuslarga oʻt qoʻydi, Guayakilda portlashlar sodir boʻldi. Koʻplab xavfsizlik kuchlari xodimlari oʻgʻirlab ketildi. – Ekvadorda nimalar boʻlmoqda?