Xitoy kompaniyasi Oʻzbekistonda kichik AESlar qurishi mumkin
Xitoy
kompaniyalari Oʻzbekistonda kichik AESlar qurishi mumkin
Xitoyning
CNOS kompaniyasi Oʻzbekistonda kichik modulli reaktorlarini qurishi mumkin.
Shuningdek, uran rudasini qazib olish, qayta ishlash va yuqori qoʻshilgan qiymatli
tayyor mahsulotlarni eksport qilish hamda keyinchalik AESlarda yoqilgʻidan
foydalanish boʻyicha hamkorlik rejalashtirilmoqda.
4 noyabrʻ
kuni Atom energiyasi agentligi direktori Azim Axmedxadjaev Shanxaydagi EKSPO
koʻrgazmasi doirasida China National Nuclear Corporation Overseas (CNOS, China
National Nuclear Coorporation — CNNC’ning shuʻʻba korxonasi) bosh direktori Vei
Fuki bilan uchrashdi, deya xabar berdi Gazeta.uz.
Tashrif
yakunlari boʻyicha CNNC kompaniyasi bilan atom energiyasidan tinch maqsadlarda
foydalanish sohasida hamkorlik qilish, XXRning AES qurish tajribasini oʻzlashtirish
imkoniyatlarini batafsil koʻrib chiqish, Oʻzbekistonda Xitoyning kichik modulli
reaktorlarini (KMR) qoʻllashni oʻrganish va keyingi potentsial loyihalarni amalga
oshirish boʻyicha kelishuvga erishildi.
Tomonlar,
shuningdek, uran rudasini qazib olish, qayta ishlash, shuningdek, ishlab chiqarishni
kengaytirish sohasidagi hamkorlik va yuqori qoʻshilgan qiymatli tayyor mahsulotlarni
eksport qilish va keyinchalik AESlarda yoqilgʻidan foydalanish masalarini muhokama
qildi.
Xitoy
tomoni yadro texnologiyalarining barcha yoʻnalishlarida ikki tomonlama
munosabatlarni rivojlantirishdan manfaatdor ekanini tasdiqladi, deyiladi xabarda.
Oktyabrʻ
oyi oʻrtalarida Atom energiyasi agentligi rahbari Azim Axmedxadjaev koʻplab global
kompaniyalar oʻzlarining kichik modulli reaktor texnologiyalarini faol ravishda
rivojlantirayotganini aytgandi. Misol tariqasida u 100 MVt quvvatga ega kichik
modulli reaktor qurilishini yakunlayotgan Xitoyning CNNC kompaniyasini koʻrsatgan.
«Ular faqat kelgusi yilda ishga tushiriladi. Shundan soʻng biz
ushbu kichik modulli reaktorlarning rivojlanishini kuzatishimiz mumkin. Xuddi
shunday saʻʻy-harakatlar hozir Koreyada ham, Yaponiyada ham, AQShda ham amalga
oshirilmoqda. Ammo ular oʻz texnologiyalarini faqat 2030 yildan keyin taklif
qilishlari mumkin», — degandi u.
«Oʻzatom» agentligi qoshidagi AES qurilishi direktsiyasi
direktori Otabek Amanov Oʻzbekistonda kichik AES qurilishida ishtirok etish uchun
xorijiy kompaniyalarni jalb etish rejalashtirilayotganini maʻʻlum qilgandi.
«Atom stantsiyasi ikkita yirik komponentdan iborat — bu yadro
oroli va yordamchi obʻʻekt. Yadroviy orolni, tabiiyki, bosh pudratchimiz
„Atomstroyeksport“ („Rosatom“) bilan realizatsiya qilamiz. Yordamchi obʻʻekt xalqaro
kompaniyalar ishtiroki bilan xalqaro loyiha boʻlishi uchun qandaydir tarzda
birlashtirmoqchimiz. Hozir variantlar ustida ishlamoqdamiz», — degandi Otabek
Amanov.
Avgust oyida «Oʻzatom» delegatsiyasi Xitoyga tashrif buyurgan va
u erda loyihada ishtirok etish istagini bildirgan, yaʻʻni turbina uskunalari,
generatorlar va quruq gradirnyalar (AES uskunalarini bugʻlantirmasdan sovitish qurilmasi) etkazib berishni
rejalashtirgan Xitoy kompaniyalari bilan uchrashuvlar oʻtkazgan.
Mavzuga aloqador
-
Fergani Space bosh direktori Selchuk Bayraktar kompaniyaning birinchi sunʻʻiy yoʻldoshi bu yil uchirilishini maʻʻlum qildi. Shirkat 2030 yilgacha koinotga 130 ta "Fargʻoni" sunʻʻiy yoʻldoshlarini uchirishni rejalashtirgan.
-
Oʻzbekiston prezidenti Shavkat Mirziyoev Rossiyada boʻlib oʻtgan “BRIKS plyus” formatidagi sammitda nutq soʻzladi. Davlat rahbari oʻz nutqida Oʻzbekiston BRIKS davlatlari bilan sheriklik aloqalarini faol rivojlantirish niyatida ekanini bildirdi. Shuningdek, Oʻzbekistonning BRIKS bilan bogʻliq rejalari hamda Yaqin Sharqdagi vaziyatga ham toʻxtaldi.
