Turkiya tashqi ishlar vaziri Hoqon Fidan Oʻzbekistonga tashrif buyuradi

Turkiya tashqi ishlar vaziri Hoqon Fidan, ichki ishlar vaziri Ali Erlikaya va MİT rahbari Ibrohim Qalin Oʻzbekistonga tashrif buyuradi. Tashrif chogʻida “uch tomonlama uchrashuv formatida” maslahatlashuvlar oʻtkazilishi maʻʻlum qilindi.

Diplomatik manbalardan olingan maʻʻlumotlarga koʻra, Turkiya tashqi ishlar vaziri Hoqon Fidan, ichki ishlar vaziri Ali Erlikaya va Milliy razvedka tashkiloti (MİT) rahbari Ibrahim Qalinning Oʻzbekistonga tashrifi chogʻida ilk bor "uch tomonlama uchrashuv formatida" maslahatlashuvlar oʻtkaziladi.

Muzokaralar chogʻida ikki tomonlama siyosiy va iqtisodiy aloqalar, shuningdek, xavfsizlik sohasidagi hamkorlik masalalari muhokama qilinadi, deb xabar beradi TRT Haber.

Tashrif doirasida vazir Fidan oʻzbekistonlik hamkasbi Baxtiyor Saidov bilan uchrashishni rejalashtirgan.

Uchrashuvda Turkiya-Oʻzbekiston Oliy darajadagi strategik hamkorlik kengashining iyunʻ oyida Turkiyada boʻlib oʻtgan uchinchi yigʻilishida qabul qilingan qarorlar ham muhokama qilinadi.

Shuningdek, tashrif doirasida iqtisodiyot, mudofaa sanoati, energetika, transport, madaniyat, taʻʻlim, noqonuniy migratsiya, terrorizmga qarshi kurash va xavfsizlik kabi sohalardagi aloqalarni ham muhokama qilish kutilmoqda.