Saudiyalik 19 farzandning onasi doktorlik dissertatsiyasini yoqlashga tayyorlanmoqda

Saudiya Arabistonining koʻp bolali onasi Hamda al-Ruvayli 19 nafar farzandni tarbiyalab, bir vaqtning oʻzida doktorlik dissertatsiyasi ustida ishlamoqda. Uning muvaffaqiyatlari va muvozanat topish sirlari jamoatchilik eʻʻtiborini qozondi.

43 yoshli Hamda 10 oʻgʻil va 9 qizni tarbiyalash bilan birga oʻqish va ishlashni qanday uygʻunlashtirgani haqida "Al Ehbariya" telekanaliga intervʻyu berdi. Uning aytishicha, kunduzi ish va farzandlariga vaqt ajratsa, kechalari oʻqish bilan shugʻullangan.

“Men kun tartibsizligini yoqtirmayman, kunimni rejalashtirib yashayman”, — deydi al-Ruvayli. U bolalarni tarbiyalashdagi sabr va kuchni oʻqituvchilar hamda armiya qoʻmondonlaridan oʻrganganini taʻʻkidladi. Uning fikricha, bir farzandni tarbiyalash bilan oʻn bolani tarbiyalash oʻrtasida farq yoʻq, chunki har bir bolaga yondashuv masʻʻuliyatni talab qiladi.

Hamda al-Ruvayli bolalarining barchasi aʻʻlochi talabalar. Qizlaridan biri Qirol Abdulaziz iqtidorli bolalar markazida oʻqishda qoʻllab-quvvatlanadi.

Muhim rejalashtirish va oilaviy qoʻllab-quvvatlash
Uning taʻʻkidlashicha, katta oilaga ega boʻlish, oʻqish va shaxsiy rivojlanishni uygʻunlashtirish oson emas, ammo rejalashtirish va bir-birini qoʻllab-quvvatlash bilan bunga erishish mumkin. “Akademik orzuimdan voz kechmaganim uchun Ollohga shukr qilaman. Bu muvaffaqiyat oson boʻlmadi, ammo mehnat va tartib bilan har narsaga erishsa boʻladi”, — deydi Hamda al-Ruvayli.

Uning tajribasi boshqalar uchun ilhom manbai boʻlib, muvaffaqiyatga erishishda intizom va masʻʻuliyat qanchalik muhimligini koʻrsatib beradi.