Oʻzbekistonda elektron ovoz berish sinovdan oʻtkaziladi

Oʻzbekistonda ilk bor elektron ovoz berish sinovdan oʻtkaziladi. Markaziy saylov komissiyasi 2024 yil 27 oktyabrda oʻtkaziladigan Oliy Majlis Qonunchilik palatasi va mahalliy kengashlar deputatlar saylovida Toshkentdagi 10 ta saylov uchastkasida elektron ovoz berishni sinovdan oʻtkazish toʻgʻrisida qaror qabul qildi.

Oʻzbekiston Markaziy saylov komissiyasi 2024 yil 27 oktyabrda oʻtkaziladigan Oliy Majlis Qonunchilik palatasi va mahalliy kengashlar deputatlar saylovida Toshkent shahrida joylashgan ayrim saylov uchastkalarida elektron ovoz berish jarayonini sinovdan oʻtkazish toʻgʻrisida qaror qabul qildi.

Qayd etilishicha, saylovchilarga qulaylik yaratish maqsadida mamlakat tarixida ilk marotaba elektron ovoz berish jarayonini sinovdan oʻtkazish reja qilinmoqda.

Elektron ovoz berish tartibi ovoz berish va saylov natijalarini tezkor aniqlash, ovoz berish jarayonlarining qonuniyligini taʻʻminlash, saylov komissiyalarining ish hajmini maqbullashtirishga xizmat qilishi aytilmoqda.

Qurilma saylov byulletenlarining elektron koʻrinishlari bilan maxsus dasturlangan, monitor, qogʻozni chop etuvchi va avtomatik tarzda kesuvchi printer, saylov qutisi va uni masofadan faollashtirish tugmasidan iborat boʻladi. Undan foydalanish tartibi uchastka saylov komissiyasining tegishli masʻʻul aʻʻzosi tomonidan tushuntiriladi.

Tizim Toshkent shahar hududiy saylov komissiyasining tavsiyasiga asosan poytaxtdagi 16-, 17-, 18-, 19-, 20-, 21-, 22-, 23-, 24- va 25-saylov uchastkalarida joriy etiladi.