Oʻzbekistonda deputatlar diniy sohadagi davlat siyosati kontseptsiyasini tasdiqlash haqidagi qonunni qabul qildi

Oliy Majlis Qonunchilik palatasi 2025 yil 15 fevralь kuni «Oʻzbekiston Respublikasida fuqarolarning vijdon erkinligini taъminlash va diniy sohadagi davlat siyosati kontseptsiyasini tasdiqlash toʻgʻrisida»gi qonun loyihasini ikkinchi oʻqishda qabul qildi va Senatga yubordi.

Qonun loyihasi 31 yanvarь kuni birinchi oʻqishda maъqullanib, 10 fevralga qadar jamoatchilik muhokamasiga qoʻyilgan edi. Muhokamalar davomida aholidan 400 dan ortiq taklif va tavsiyalar kelib tushdi. Shundan soʻng, 6 fevralda Qonunchilik palatasida 16 ta konfessiya vakillari bilan uchrashuv oʻtkazildi.

Loyihaga kiritilgan asosiy oʻzgartirishlar:

Turli konfessiyalar oʻrtasida muloqotni kuchaytirish;

Konfessiyalararo totuvlik va hamjihatlikni mustahkamlash;

Oʻzbekiston xalqining dinlar tarixi va islom tsivilizatsiyasidagi yutuqlarini oʻrganishga koʻmaklashish;

Xotin-qizlarning taъlim olishi va ijtimoiy-iqtisodiy faolligini oshirish chora-tadbirlarini kuchaytirish.

Deputatlar tomonidan maъqullangan mazkur kontseptsiya diniy sohadagi davlat siyosati yoʻnalishlarini belgilab beradi va mamlakatda diniy erkinlikni taъminlashga qaratilgan. Qonunchilik palatasi qabul qilgan hujjat hozirda Senat muhokamasiga yuborildi.