Gulnora Karimovaning 182 mln dollarlik aktivlari Oʻzbekistonga qaytariladi

Gulnora Karimovaning 182 mln dollarlik aktivlari Oʻzbekistonga qaytariladi

TOShKENT, 6 fevralʻ – Oʻzbekiston Shveytsariya bilan Gulnora Karimovaga tegishli musodara qilingan aktivlarni qaytarish boʻyicha yangi kelishuv imzoladi. Bu kelishuv asosida 182 million dollar Oʻzbekistonga qaytariladi.

Kelishuvni Oʻzbekiston adliya vaziri Akbar Toshqulov va Shveytsariyaning Oʻzbekistondagi elchisi Konstantin Obolenskiy imzoladi. Adliya vazirligi maʻʻlumotiga koʻra, ushbu mablagʻlar Gulnora Karimovaga qarshi 2012 yilda qoʻzgʻatilgan jinoiy ish doirasida musodara qilingan.

Uzbekistan Vision 2030 jamgʻarmasi orqali qaytarish

Qaytarilgan mablagʻlar Birlashgan Millatlar Tashkiloti (BMT) tomonidan Uzbekistan Vision 2030 koʻp sheriklik trast jamgʻarmasi orqali yoʻnaltiriladi. Bu mablagʻlar Oʻzbekiston aholisi manfaatiga ijtimoiy loyihalar, jumladan:

✅ Sogʻliqni saqlash

✅ Taʻʻlim

✅ Onalik va bolalar salomatligini yaxshilash uchun ishlatiladi.

Bunga misol qilib, 2023 yil sentyabrʻ oyida jamgʻarma 43,5 mln dollarni ona va bolalar oʻlim darajasini kamaytirishga qaratilgan BMT dasturiga ajratgan.

313 million dollar qaytarildi

👉 2022 yilda Oʻzbekiston va Shveytsariya 131 million dollarni qaytarish boʻyicha kelishuv imzolagan edi.

👉 Yangi kelishuv bilan bu summa 313 million dollarga etdi.

Gulnora Karimovaning aktivlari 1,4 milliard dollarga baholanmoqda

Gulnora Karimova va uning jinoiy guruhiga aloqador Frantsiya, AQSh, Latviya va boshqa davlatlardagi aktivlarining umumiy miqdori 1,4 milliard dollar (taxminan 15 trillion soʻm) deb baholanmoqda.

Adliya vaziri oʻrinbosari Muzraf Ikromov bu mablagʻ evaziga 1400 ta maktab qurish mumkinligini taʻʻkidlagan.

Eslatib oʻtamiz, Gulnora Karimova 2015 yilda 5 yil ozodlikni cheklash jazosiga hukm qilingan. 2019 yilda koloniyaga oʻtkazilgan va 2020 yilda – 13 yil 4 oyga ozodlikdan mahrum etilgan

U “davlat mablagʻlarini oʻzlashtirish, Oʻzbekiston manfaatlariga zid bitimlar tuzish va tovlamachilik” kabi jinoyatlarda ayblangan.