Aliev: Rossiya Azerbaijan Airlines halokatida aybini tan olishi, aybdorlarni jazolashi va tovon toʻlashi kerak

Ozarbayjon hukumati Azerbaijan Airlines samolyotining Aqtauda halokatga uchrashi munosabati bilan Rossiyaga uchta talab qoʻydi: kechirim soʻrashi, aybini tan olishi, aybdorlarni jazolab, jabrlanganlarga tovon puli toʻlashi kerak. Shuningdek , Ozarbajon Rossiya fuqarolarining mamlakat boʻlish talablarini kuchaytirdi.


Ozarbayjon hukumati Azerbaijan Airlines samolyotining Aqtauda halokatga uchrashi munosabati bilan Rossiyaga uchta talab qoʻydi, dedi davlat rahbari Ilhom Aliev mamlakat televideniesiga bergan intervʻyusida. 

Uning soʻzlariga koʻra, talablar Rossiya tomoniga 27 dekabrʻ kuni rasman etkazilgan. 

“Ular nimalardan iborat edi?  Birinchidan, Rossiya tomoni Ozarbayjondan kechirim soʻrashi kerak. Ikkinchidan, aybini tan olishi kerak. Uchinchidan, aybdorlar jazolanishi, jinoiy javobgarlikka tortilishi, Ozarbayjon davlatiga, jabrlangan yoʻlovchilar va ekipaj aʻʻzolariga tovon puli toʻlanishi kerak. Bular – bizning shartlarimiz. Ulardan birinchisi kecha yakunlandi. Umid qilamanki, boshqa shartlarimiz ham qabul qilinadi”, — dedi Ozarbayjon prezidenti. 

Aliev barcha bildirilgan talablar adolatli ekanini taʻʻkidladi. “Bu erda hech qanday favqulodda talab yoki muammolar yoʻq, bu xalqaro tajriba va odatdagi insoniy xulq-atvor tamoyillariga asoslanadi”, — dedi u.

Eslatib oʻtamiz, 25 dekabrʻ kuni ertalab Bokudan Grozniyga uchayotgan Azerbaijan Airlines samolyoti Qozogʻistonning Aktau shahri yaqinida halokatga uchradi. 38 kishi halok boʻldi. Samolyot Rossiya havo hujumidan mudofaa tizimlari hujumi natijasida halokatga uchradi.

Shu bilan birga, Ozarbayjon hukumati 2025 yil 1 yanvardan boshlab Rossiya fuqarolarining Ozarbayjon hududida vaqtincha boʻlish shartlariga oʻzgartirishlar kiritdi.

Qarorga koʻra, “RF fuqarolari va RFda doimiy yashovchi, Ozarbayjon Respublikasiga vizasiz tartibda kelgan fuqaroligi boʻlmagan shaxslar bir kalendar yili davomida mamlakatda 90 kundan ortiq boʻla olmaydi”.

Qarorni bosh vazir Ali Asadov imzoladi.

Bir kun oldin Ozarbayjon TIV Boku Rossiya tomonidan ozarbayjonliklarga nisbatan oʻrnatilgan yangi qoidalar va RFda qolish talablarini kuchaytirilganiga qarshi javob choralari koʻrishini maʻʻlum qilgandi.