Dahshatli soʻrovnomalar: Isroil jamiyatining qabih yuzi
Hayratlanarli va chuqur tashvishga soluvchi yangi soʻrovnoma natijalari shuni koʻrsatmoqdaki, nafaqat Isroil hukumati, balki Isroil jamoatchiligining katta qismi ham falastinliklarni qirib yuborish tarafdori.
Penn davlat universitetining Yaqin Sharq tarixi professori Tamir Sorek Geocartography soʻrov tashkilotiga Isroil jamoatchiligiga bir qancha savollarni berish vazifasini topshirgan.
Zero Geocartography soʻrovnomalari Isroil jamoatchiligi fikrlarini aniq ifodalash boʻyicha ishonchli natijalarga ega. CNN 2015 yilda Geocartography oʻsha yili Isroilda "Likud" partiyasining saylovdagi gʻalabasini toʻgʻri bashorat qilgan yagona soʻrov firmasi boʻlganini xabar qilgan.
Haaretz gazetasi maъlumotlariga koʻra, soʻrovnoma "Isroildagi yahudiy aholisi fikrini ifoda etuvchi 1005 respondent orasida" oʻtkazilgan.
Javoblar hozirda Isroil jamiyatida keng tarqalgan qarashlarning tashvishli manzarasini namoyon etdi. Unga koʻra, yahudiy isroilliklarning 82 foizi "Gʻazo aholisini boshqa mamlakatlarga majburan koʻchirishni qoʻllab-quvvatlagan", 56 foizi esa hatto "Isroilning arab fuqarolarini ham chiqarib yuborishni" maъqullagan.
Undan-da dahshatlisi, ayrim respordentlar “Yoshua” kitobidagi qadimgi isroilliklar Erixo shahrini zabt etib, uning barcha aholisini qirib tashlashgan voqeasini takrorlashni maъqul koʻrishgan.
"Isroil armiyasi dushman shahrini zabt etganda, isroilliklar Erixoni zabt etganlarida qilganidek yoʻl tutishi kerakmi", deb soʻralganda, respondentlarning 47 foizi shunday qilishlari kerakligini aytishgan. Bu Isroildagi yahudiy aholisining 47 foizi "dushman shaharning barcha aholisini oʻldirish"ni qoʻllab-quvvatlashini anglatadi.
Biz Isroil rasmiylarining HAMAS "insoniy qalqonlar"dan foydalanayotgani yoki Gʻazodagi tinch aholini himoya qilish uchun "qoʻlidan kelganini qilayotgani"ni daъvo qilib, oʻz harbiy jinoyatlarini rad etayotganini tez-tez eshitamiz.
Tashvishli haqiqat shundaki, bu targʻibot Gʻarb auditoriyasini Isroilni qurollantirish va moliyalashtirishni davom ettirishga undashga qaratilgan, Isroil ichida esa ochiqdan-ochiq genotsid tilidan foydalanish urfga kirgan.
Soʻrovnomada Isroilning asosiy amaldorlari ochiqdan-ochiq genotsid tilidan foydalanayotganiga bir talay misollar keltiradi.
Xulosalarda "Yaffa shahridagi diniy talabalar uchun harbiy dastur rahbari Rabbi Eliyahu Mali"ning quyidagi soʻzlari keltiriladi:
“Ularni oʻldirmasang, seni oʻldirishadi. Bugungi terrorchilar – siz tirik saqlab qolgan oldingi operatsiyaning bolalari, ayollar esa terrorchilarni etishtiruvchilardir”.
Taъkidlanishicha, bunday til faqat diniy ekstremistlar bilan cheklanmagan va koʻpincha dunyoviy isroilliklar tomonidan ham ishlatilgan.
Sobiq futbol yulduzi Denni Noymanning Isroil televideniesida ochiqchasiga shunday degani keltiriladi:
"Men sizga aytaman, Gʻazoda, hech bir istisnosiz, ularning barchasi terrorchilar, itning bolalari. Ularni qirib tashlash kerak, hammasini oʻldirish kerak".
Shuningdek, isroillik telesharhlovchi va huquqshunos Kinneret Barashining "Gʻazodagi qotil mutatsiyalarning har bir izi tugʻruq xonalaridan tortib, Gʻazodagi soʻnggi qariyagacha yoʻq qilinishi kerak", degan soʻzlari keltirilgan.
Bu holat faqat ayrim shaxslar bilan cheklanmagan. BMT Inson huquqlari boʻyicha kengashining Isroil jinsiy zoʻravonlikdan foydalanishi haqidagi yaqinda eъlon qilingan hisobotida ushbu turdagi tildan foydalangan asosiy isroillik shaxslarning koʻplab boshqa misollari keltirilgan.
Hisobotda Isroilning "Misgav milliy xavfsizlik instituti" tahlil markazida ishlaydigan Eliyahu Yosianning Isroilning asosiy 14-kanalida "Ayol – dushman, chaqaloq – dushman, homilador ayol – dushman", degan soʻzlari keltirilgan.
Hisobotda aniqlanishicha, ushbu qabih bayonot video parchasini "2024 yil 3 yanvarь holatiga koʻra 1,6 million kishi tomosha qilgan".
Hisobotda, shuningdek, jurnalist Ehuda Shlezingerning 12-kanal yangiliklar stantsiyasida "falastinlik mahbuslarni zoʻrlash Isroil hukumati tomonidan falastinliklarni jazolash, qasos olish va tiyib turish uchun institutlashtirilishi kerak", degan soʻzlariga havola keltirilgan.
2024 yilda Isroilning "Ikki yaxshi yahudiy bolasi" podkasti boshlovchilaridan biri "Agar Gʻazoni oʻchirish tugmasi boʻlganida, men uni bir soniyada, hoziroq bosib yuborgan boʻlardim va menimcha, aksariyat isroilliklar ham shunday qilgan boʻlardi", degan.
Isroillik siyosatchilar ham ommaga ochiqchasiga genotsidga undovchi bayonotlar bermoqda.
Gʻazo genotsidi boshlanishida Isroilning sobiq mudofaa vaziri Yoav Gallant shunday degan edi: "Men Gʻazo sektorini toʻliq qamal qilishni buyurdim. Na elektr energiyasi, na oziq-ovqat, na yoqilgʻi boʻladi, hamma narsa yopiq, biz hayvon-odam maxluqlarga qarshi kurashyapmiz va shunga yarasha harakat qilyapmiz".
Xalqaro Adolat Sudida Isroilga qarshi Janubiy Afrika koʻtargan genotsid ishi TsAXAL askarlari, televidenie sharhlovchilari va siyosatchilar tomonidan bildirilgan son-sanoqsiz genotsidga undovchi bayonotlarni misol qilib keltirdi.
Hisobotda isroillik polkovnik Yogev Bar-Sheshetning Gʻazodagi Bayt-Lahiya shahrida boʻlganida Isroilning 4-kanalidan olingan videodan iqtibos keltirilgan: "Kim agar bu erga keyinchalik qaytsa, unumsiz tuproqni topadi. Na uy, na dehqonchilik, hech narsa yoʻq. Ularning kelajagi yoʻq".
Hisobotda yana bir isroillik polkovnik Erez Eshelning xuddi shu videoda aytgan gaplari keltirilgan: "Qasos – buyuk qadriyat. Bizga qilganlari uchun qasos olyapmiz... Bu joy qoʻriq erga aylanadi. Ular bu erda yashay olmaydilar."
Shu bilan birga, hisobotda 2023 yil dekabrь oyida TsAXAL askarlarining "Ularning qishlogʻi yonib ketsin, Gʻazo yoʻq qilinsin" va "Biz oʻz shiorimizni bilamiz: aralashmagan tinch aholi yoʻq", deb hayqirgan videosiga ishora qilingan.
Bundan tashqari, hisobotda asosiy Isroil rasmiylarining koʻplab genotsidga undovchi bayonotlari keltirilib, ular bilan bogʻlangan.
Isroil Knessetidagi hukmron "Likud" partiyasi aъzosi Talli Gotliv 2023 yil dekabrь oyida Twitterʼda shunday yozgan edi:
“Shafqatsiz havo hujumi!! Bunday ogʻir vaziyatda shafqatsizlarga achinishni bas qilaylik. "Aralashmagan" gʻazoliklarga achinmaylik. Aralashmaganlar yoʻq. Jang maydonida qolgan har bir gʻazolik terrorchi tashkilotga yordam bermoqda. Boʻldi! Fikringizni oʻzgartiring. Terrorchilar va ularning yordamchilari boʻlgan har bir joyni yoʻq qiling. Havodan!! Agar hududni havodan bombardimon qila olsangiz, askarlarni xavf ostiga qoʻymang!”
Isroil Knessetining "Likud" partiyasi aъzosi Keti Shitrit 13-kanal efirida shunday dedi:
"Qasos soʻzi juda koʻp ishlatildi. Menimcha, bu qasos emas – bu adolat. Agar siz mendan shaxsiy fikrimni soʻrasangiz – men Gʻazoni er bilan yakson qilardim, hech qanday achinish hissi yoʻq. Chunki ayollar va bolalarning qotillari bilan Gʻazo fuqarolari oʻrtasida hech qanday farq yoʻq".
Shuningdek, Isroildagi 14-kanalda Isroil harbiy razvedkasining sobiq xodimi Eliyau Yosian “Gʻazoda aholi yoʻq, 2,5 million terrorchi bor”, dedi.
Isroil Knesseti aъzosi va Isroilning "Israel Hayom" gazetasining sobiq muharriri X da shunday deb yozdi:
“Shuni unutmasligimiz kerakki, "begunoh tinch aholi" – Gʻazodagi shafqatsiz va vahshiy odamlar ham Isroil jamoalaridagi qirgʻinlarda, yahudiylarni tizimli ravishda oʻldirish va ularning qonini toʻkishda, bolalar, qariyalar va onalarni oʻgʻirlashda, chaqaloqlarni zoʻrlik bilan oʻldirib, tiriklayin yoqib yuborishda faol ishtirok etgan!
Shafqatsizlarga achinish mumkin emas, hech qanday insonparvarlik harakatiga oʻrin yoʻq – Amolekning xotirasi oʻchirilishi kerak!”
Sobiq moliya vaziri Avigdor Liberman X da "Gʻazoda begunoh odamlar yoʻq", dedi.
Hatto "liberal markazchi" deb hisoblangan isroillik siyosatchi Meyrav Ben-Ari Isroil televideniesida "Gʻazodagi bolalar buni oʻzlariga oʻzlari sotib olishdi!" dedi.
Yaqinda Isroilning sobiq siyosatchisi Moshe Feyglin Isroilning 14-kanalida shunday dedi: “Dushman HAMAS emas, u HAMASning harbiy qanoti ham emas. Gʻazodagi har bir bola dushman. Gʻazoni ishgʻol qilib, uni egallashimiz kerak, u erda birorta ham gʻazolik bola qolmaydi. Boshqacha gʻalaba boʻlishi mumkin emas”.
Bular internetdagi telbalarga xos bayonotlar emas, balki Isroilning saylangan amaldorlari, TsAXAL aъzolari va televideniedagi sharhlovchilarning bayonotlaridir.
Yaqinda oʻtkazilgan soʻrov shuni koʻrsatadiki, bu shaxslar bunday gaplarni bemalol aytayotganining sababi, aholining katta qismi ularga qoʻshiladi.
2024 yil dekabrь oyidagi Pew Research soʻrovi shuni koʻrsatdiki, yahudiy isroilliklarning atigi 4 foizi Gʻazodagi ommaviy qirgʻin kampaniyasi "haddan tashqari ilgarilab ketgan" deb hisoblagan boʻlsa, 34 foizi "etarlicha ilgarilamagan" deb hisoblagan.
Koʻpchilik isroilliklar Gʻazoda aslida nima boʻlayotganini bilmaganliklari uchun shunday fikrda ekanliklarini taъkidlashgan, ammo bu yangi soʻrov natijalari hamda Isroil televideniesida berilayotgan genotsidga undovchi bayonotlarning koʻpligi shuni koʻrsatmoqdaki, ular vaziyatdan xabardor va buni qoʻllab-quvvatlamoqdalar.
Manba: The Dissident