Yangi yil arafasida Yangi Orleandagi qirgʻin: 15 qurbon

AQShning Yangi Orlean shtatida 42 yoshli erkak Yangi yilni nishonlayotgan olomon ustiga mashina haydab, soʻng otishma sodir etdi. Hodisada 15 kishi halok boʻldi, 30 kishi jarohatlandi. Otishma sodir etgan shaxs ham politsiya tomonidan otib oʻldirilgan. Qotilning IShIDga aloqadorligi aytilmoqda.

AQShning Yangi Orlean shtatida nomaʻʻlum shaxs Yangi yil kechasi shahar markazidagi olomon ustiga mashina haydadi, deya xabar ʻʻerdi BBC. Oxirgi maʻʻlumotlarga koʻra, 15 kishi halok boʻlgan, 35 kishi yaralangan.

Mashina Burbon koʻchasida Yangi yilni nishonlayotgan olomonga katta tezlikda urilgan, shundan soʻng haydovchi mashinadan tushib, oʻq otishni boshlagan. Politsiya javob qaytargan. Otishma paytida ikki politsiyachi yaralangan.

Politsiyaning fikricha, haydovchi maksimal darajada zarar etkazishga urinib, odamlarni ataylab ezib yuborgan.

Federal qidiruv byurosi voqeani terakt sifatida tekshirayotganini aytdi.

Keyinroq FQB gumonlanuvchining ismi Shamsud-Din Jabbar ekani va uning (ehtimol ijaraga olingan) mashinasidan IShID bayrogʻi topilgani haqidagi maʻʻlumotni tasdiqlovchi bayonot berdi.

Bayonotda, shuningdek, 42 yoshli erkakning jinoyat joyida huquq-tartibot idoralari bilan otishmada halok boʻlgani va u Texasda yashovchi AQSh fuqarosi ekanligi bildirildi.

Keyinroq Nʻyu-Orleanda boʻlib oʻtgan matbuot anjumanida shahar, Luiziana shtati hukumati va Federal qidiruv byurosi vakillari Jabbar AQShda tugʻilgani va tugʻilgan kundan boshlab mamlakat fuqaroligiga ega ekanligiga aniqlik kiritdi.

Matbuot anjumanida soʻzga chiqqan FQB maxsus agenti Aletea Dunkanning qoʻshimcha qilishicha, rasmiylar hujumchining sheriklari boʻlgan deb hisoblashmoqda. Bundan tashqari, uning soʻzlariga koʻra, ayni paytda qirgʻin sodir boʻlgan Yangi Orleanning Frantsiya mavzesida ikkita qoʻlbola portlovchi moslama topilib, zararsizlantirilgan.

Dunkanning taʻʻkidlashicha, Jabbar sobiq harbiy xizmatchi boʻlgan. Uning isteʻʻfoga chiqish sabablari aniqlashtirilmoqda.

Fojia mahalliy vaqt bilan taxminan tonggi soat 3:00 da odamlar Yangi yilni nishonlayotgan vaqtda sodir boʻldi.