Tramp: “Suriyaga joriy etilgan sanktsiyalar bekor qilinadi”

AQSh prezidenti Donalьd Tramp Saudiya Arabistonida boʻlib oʻtgan AQSh–Saudiya qoʻshma investitsiya forumida Suriyaga qarshi sanktsiyalar bekor qilinishini eъlon qildi.

Tramp nutqida Turkiya prezidenti Rajab Toyyib Erdogʻan bilan telefon orqali suhbatini eslab, u ham bu borada iltimos bildirganini aytdi. “Yaqin Sharqdagi boshqa obroʻli doʻstlarim ham shunday iltimos qildi. Suriyaga qoʻyilgan sanktsiyalarni bekor qilamiz”, dedi u.

Shuningdek, u AQSh davlat kotibi Marko Rubio shu hafta Turkiyada Suriyaning yangi tashqi ishlar vaziri Esad Hasan Shayboni bilan uchrashishini maъlum qildi.

Tramp Suriya xalqining boshidan oʻtayotgan ogʻir qiyinchilik va oʻlimlarga toʻxtalib, yangi hukumat bilan mamlakatni barqaror va tinch holda saqlab qolishga umid bildirdi.

Rusiya–Ukraina muzokaralari

Tramp Istanbulda oʻtkaziladigan Rusiya–Ukraina muzokaralari katta natija berishi mumkinligini bildirib, Marko Rubio ham ularda ishtirok etishini aytdi. U bu urushni Ikkinchi jahon urushidan keyingi eng koʻp inson halokatiga sabab boʻlgan toʻqnashuv deb atadi.

Hindiston va Pokiston oʻrtasidagi shiddatli vaziyatda ham oʻtgan hafta orachilik qilganini, bu jarayonda savdodan foydalanganini taъkidladi: “Yadroviy raketa oʻrniga keling, savdo qilaylik dedim”.

Gazza boʻyicha bayonot

Tramp Isroilning Gazzaga urush harakatlariga toʻxtalib, “Gazza xalqi yaxshiroq kelajakka loyiq”, dedi. Uning soʻzlariga koʻra, bir isroillik asirni ozod qilish boʻyicha muzokaralar muvaffaqiyatli oʻtgan.

Eron masalasi

Tramp Eron bilan kelishuvga erishish istagini bildirib, “Eron rahbariyati bu imkoniyatni rad etsa va hujumlarni davom ettirsa, unda maksimal bosim siyosatini qoʻllashdan boshqa yoʻlimiz qolmaydi”, dedi. Uning aytishicha, Eron hech qachon yadroviy qurolga ega boʻlmasligi kerak.

AQSh tashqi ishlar vazirligi va xalqaro munosabatlar

AQSh tashqi ishlar vazirligi matbuot kotibi Tommi Pigott ham ushbu jarayonning tinchlik va farovonlik olib kelishiga umid bildirdi. Uning taъkidlashicha, hozircha sanktsiyalar qachon va qanday bekor qilinishi haqida aniq javob yoʻq.

Suriya tomonining munosabati

Suriya tashqi ishlar vaziri Esad Hasan Shayboni Trampning qarorini olqishlab, buni “tarixiy burilish nuqtasi” deb atadi. Uning soʻzlariga koʻra, bu xalq uchun umid, iqtisodiy tiklanish va mustaqillik imkoniyatidir.

Suriyaning turli shaharlarida minglab odamlar koʻchalarga chiqib, qarorni bayramona qarshi oldi. Emaviy maydonida feyerverklar bilan nishonlandi. Fuqarolardan biri, Nazar Ramazon bu kunni “zafar kuni” deb atadi. Meҗida Neba esa bu jarayonda Erdogʻanning faolligi uchun minnatdorlik bildirdi.

AQSh musulmon tashkiloti va BMTdan bayonotlar

Amerika–Islom aloqalari kengashi (CAIR) rahbari Nixad Avad Trampning sanktsiyalarni bekor qilish qarorini “muhim va ijobiy qadam” deb atadi. U Isroilning Suriyadan chiqishini va Gazza qamalini tugatishni ham talab qilishga chaqirdi.

BMTning Suriya boʻyicha maxsus vakili Geyr Pedersen ham ushbu qarorni olqishlab, bu sogʻliqni saqlash, taъlim, iqtisodiyot va qayta tiklanish uchun muhim ekanini taъkidladi.