The Sun: Moskvada Bashar Asadga suiqasd uyushtirildi

The Sun nashri oʻz manbalariga tayanib, Moskvada Suriyaning hokimiyatdan agʻdarilgan rahbari Bashar Asadga suiqasd uyushtirilganini maʻʻlum qildi. 59 yoshli Asadga zahar berilgani, hozirda ahvoli barqaror ekani xabar qilindi.

Suriyaning hokimiyatdan agʻdarilgan rahbari Bashar Asad hayotiga suiqasd qilingan. Bu haqda The Sun nashri oʻz manbalariga tayanib xabar qildi.

Suriyadagi inqilobdan keyin Rossiya poytaxti Moskvaga qochib, oilasi bilan u erda yashay boshlagan Bashar Asadning zaharlangani iddao qilindi. 

Avvalroq ayrim manbalar Suriyadan qochgan va 8 dekabrdan beri Rossiya prezidenti Vladimir Putin himoyasida boʻlgan Asad oʻtgan yakshanba kuni kasal boʻlib qolgani haqida xabar bergandi.

Taʻʻkidlanishicha, 59 yoshli hokimiyatdan agʻdarilgan rahbar qattiq yoʻtala boshlagan va boʻgʻilib qolgan.  

"Suiqasdga urinish boʻlgan deb hisoblash uchun barcha asoslar bor", - dedi manba.

 Xabar qilinishicha, Bashar Asad ayni paytda uy sharoitida davolanmoqda, ahvoli barqarorlashgan. Tekshiruvlar uning tanasida zahar borligini koʻrsatgan. 

Rossiya hukumati suiqasd haqida hozircha hech qanday rasmiy maʻʻlumot bergani yoʻq.