Tel-Avivda otishma: kamida ttti kishi halok boʻldi
Eron Isroilga tarixda misli koʻrilmagan raketa zarbalarini bergan tunda Tel-Avivda yana bir qonli voqea sodir boʻldi. Ikki nafar qurollangan falastinlik Isroil poytaxtining tarixiy Yaffa tumanida odamlarga qarata oʻq uzdi. Hodisada kamida etti kishi halok boʻldi, bir necha kishi jarohatlandi. Hujum qilganlar ham shahid etildi.
Tel-Avivning
tarixiy markazi, Yaffa tumanida ikki qurolli kishi odamlarga qarata oʻt ochdi va pichoq
bilan hujum qildi. Isroil politsiyasi maʻʻlumotlariga koʻra, etti kishi halok
boʻlgan, yana bir necha kishi yaralangan. Boshqa manbalar sakkiz nafar halok boʻlgan (hujum
qilganlar ham boʻlishi mumkin) va bir necha yaralangan, jumladan, uchtasi ogʻir
ahvolda ekanligini maʻʻlum qilmoqda.
Politsiya
maʻʻlumotlariga koʻra, ikkala hujumchi ham atrofdagilar tomonidan
«zararsizlantirilgan». Politsiya ularning maqsadini «terrorizm» deb atadi.
Jerusalem
Post nashrining yozishicha, politsiya hujumchilar soni uch nafar boʻlishi mumkinligini
taxmin qilmoqda, ularning oxirgisi hamon Yaffada.
Hujum
Eronning Isroilga raketa hujumi boshlanishidan biroz oldin va Isroilning Livan
janubiga bostirib kirishi paytida sodir boʻlgan.
Hujumdan
koʻp oʻtmay voqea joyi ustidagi havoda raketalar va zenit snaryadlari koʻrindi.