Shvetsiyada Isroilning Elbit Systems shirkati korxonasida otishma sodir boʻldi

Shvetsiyadagi Isroilning jangovar uchuvchisiz uchoqlar ishlab chiqaruvchi Elbit Systems shirkati korxonasida 15 yoshdan kichik oʻsmir tomonidan otishma sodir etildi. Hodisada hech kim jarohatlanmadi, oʻsmir qoʻlga olingan.

Shvetsiyaning Geteborg shahrining Kallebek tumanida Isroilning Elbit Systems mudofaa shirkati idorasida otishma sodir boʻldi. Mahalliy TV4 Nyheterna telekanalining xabar berishicha, 15 yoshdan kichik boʻlgan oʻsmir yigit Isroil kompaniyasi binosiga qarata oʻt ochgan. Dastlabki maʻʻlumotlarga koʻra, hodisa oqibatida qurbonlar yoʻq. Oʻsmir qoʻlga olingan, politsiya voqeani qotillikka urinish va qurol bilan ogʻirlashtirilgan hujum sifatida tergov qilmoqda.

"Ertalab Isroilning Kallebekdagi obʻʻektida otishma boʻlgani haqida signal oldik. Bir nechta patrulʻ va vertolyotlar bilan joʻnab ketdik. Qidiruv hali ham davom etmoqda", - deydi politsiya matbuot kotibi Fredrik Svedemir.

Oʻtgan yozda ham kompaniyaga kiraverishda portlovchi qurilma oʻrnatilgan edi. Oʻshanda portlashdan himoya qilish milliy xizmati obʻʻektni zararsizlantirishga muvaffaq boʻlgandi.

"Hozir kompaniyaga qarshi kampaniya davom etmoqda. Bu Isroil olib borayotgan urushga qarshi chiqishning oʻziga xos norozilik ifodasining bir qismidir. Bugungi voqea shunday vaziyatning natijasimi yoki shundaymi, biz bilmaymiz. Aslida Isroil kompaniyalariga qarshi qaratilgan tadbirlarni Eron qoʻzgʻatmoqda”, - deya taʻʻkidlaydi SVT.

Taʻʻkidlanishicha, Shvetsiya va qoʻshni mamlakatlarda voyaga etmaganlar bilan bogʻliq jinoyatlar koʻpayib bormoqda. Soʻnggi paytlarda ular tomonidan bir necha bor portlashlar va otishmalar sodir etilgan.