Rossiyada tobutlar narxi 74 foizga qimmatlashdi

Rossiya-Ukraina urushi boshlanganidan beri Rossiyada tobutlar narxi 74 foizga, ayrim viloyatlarda ikki baravarga oshdi. Shuningdek, dafn marosimlari xizmatlari xarajatlari ham 2022 yil davomida 48 foizga, 2023 yilda 12 foizga, 2024 yilning toʻqqiz oyida esa 10 foizga oshgan. 

Rossiya-Ukraina urushi boshlanganidan beri Rossiyada tobutlar narxi 74 foizga oshdi, deb yozdi The Moscow Times Rosstat maʻʻlumotlariga tayanib. 2022 yil yanvarida bir tobut taxminan 4437 rublʻ (50 dollar) turgan boʻlsa, 2024 yilning oktyabriga kelib uning narxi 7711 rublga (80 dollar) koʻtarilgan.

Narxlarning tez oʻsishi urushning birinchi oylarida boshlangan va 2022 yil sentyabrida "qisman safarbarlik" eʻʻlon qilinganidan keyin yangi sakrash yuz bergan. Butun 2022 yil davomida Rossiyada dafn marosimi xizmatlari narxi 48 foizga, 2023 yilda yana 12 foizga, 2024 yilning toʻqqiz oyida esa 10 foizga oshdi. Saxalin (181%), Omsk viloyati (162%), Tambov viloyati (104%) va Smolensk viloyati (103%) kabi baʻʻzi hududlarda tobutlar narxi ikki barobardan koʻproqqa oshdi.

Qayd etilishicha, bu toʻgʻridan-toʻgʻri Ukraina frontidagi rossiyalik harbiylarning oʻlimiga bogʻliq boʻlishi mumkin, chunki bu hududlar safarbar qilingan va shartnoma boʻyicha askarlar soni boʻyicha etakchilik qiladi.

Dafn marosimi xizmatlari narxining oshishi Rossiyada inflyatsiyaning umumiy oʻsishi bilan bir vaqtda kuzatildi. Rosstat maʻʻlumotlariga koʻra, joriy yilning noyabrida mamlakatda oylik inflyatsiya oktyabrga nisbatan 1,5 baravardan koʻproq oʻsgan holda barcha rekordlarni yangiladi. 19 noyabrdan 25 noyabrgacha boʻlgan hafta davomida isteʻʻmol narxlari indeksi 0,36 foizga, oy boshidan 1,15 foizga, yil boshidan esa 8 foizdan koʻproqqa oʻsdi.

Ayniqsa, 2023 yil yanvaridan beri birinchi marta oziq-ovqat mahsulotlari narxining 10 foizdan oshgani sezilarli.

Ukraina Bosh shtabi maʻʻlumotlariga koʻra, urush boshlangandan beri Rossiya deyarli 750 ming askarini yoʻqotgan. Ularning katta qismi halok boʻlganlar, yaradorlar va asirlarni tashkil etadi. Birgina noyabrʻ oyida qurbonlar soni rekord darajada qayd etilgan - 45 720 kishi. Rossiya rasmiylari bu raqamlarni rad etadi. Prezident Vladimir Putin avvalroq Ukraina Qurolli Kuchlarining (AFU) yoʻqotishlari Rossiyanikidan besh baravar koʻp ekanligini taʻʻkidlagan edi.