Rossiya qattiq bugʻdoy eksportiga vaqtinchalik cheklov kiritadi
Rossiya hukumati qattiq bugʻdoy eksportiga vaqtinchalik taqiq joriy qildi. Tegishli farmon Rossiya hukumati saytida eʻʻlon qilindi.
“Qaror oziq-ovqat xavfsizligini taʻʻminlashga qaratilgan
boʻlib, ichki bozorda qattiq bugʻdoy mahsulotlari narxlari bilan bogʻliq barqaror
vaziyatni saqlashga yordam beradi”, — deyiladi hujjatda.
Vaqtinchalik cheklov hukumat qarori eʻʻlon qilingan paytdan
boshlab kuchga kiradi va 2024 yil 31 maygacha amal qiladi.
Shu bilan birga, hujjat eksport taqiqi qoʻllanilmaydigan bir qator
istisnolarni nazarda tutadi. Bunga xalqaro gumanitar yordam va xalqaro
hukumatlararo kelishuvlar doirasida qattiq bugʻdoy eksporti hamda etkazib berish
kiradi, deyiladi xabarda.
Shu bilan birga, qattiq bugʻdoyni Evroosiyo iqtisodiy
ittifoqiga aʻʻzo davlatlar – Armaniston, Belarus, Qirgʻiziston va Qozogʻistonga
hukumat qarori bilan belgilangan kvotalar doirasida Rossiya Qishloq xoʻjaligi vazirligi
tomonidan berilgan ruxsatnomalar asosida eksport qilishga ruxsat etiladi.