Rimda “Markaziy Osiyo – Italiya” uchinchi vazirlar uchrashuvi boʻlib oʻtdi

Hamkorlikni mustahkamlashga qaratilgan «S5+1» formatidagi “Markaziy Osiyo – Italiya” yigʻilishida suv, atrof-muhit resurslari va oliy taʻʻlim sohalarida strategik sheriklik oʻrnatish, iqtisodiy va sanoat hamkorlikni mustahkamlash masalalari muhokama qilindi.

Rimdagi “Villa Madama” davlat mehmon uyida Italiya tashqi ishlar vaziri va bosh vazir oʻrinbosari Antonio Tajani, shuningdek, Qozogʻiston, Qirgʻiziston, Tojikiston, Turkmaniston va Oʻzbekiston tashqi ishlar vazirliklari rahbarlari ishtirokida uchrashuv boʻlib oʻtdi. 

“Italiya Markaziy Osiyodagi biznesimiz uchun ochilayotgan siyosiy hamkorlik va imkoniyatlarga katta qiziqish bilan qaramoqda. Bu davlatlar bilan suv, atrof-muhit resurslari va oliy taʻʻlim sohalarida strategik sheriklik oʻrnatish, iqtisodiy va sanoat hamkorlikni mustahkamlash biz uchun muhim ahamiyatga ega. Shuning uchun biz bugungi uchrashuvga 30 ta italʻyan kompaniyasini kiritdik”, - dedi Tajani bayonotida.

Italiya TIV rahbari Rim Markaziy Osiyo davlatlari bilan hamkorlikni mustahkamlash niyatida ekanini qayd etdi.

“Hukumat mintaqa davlatlari bilan munosabatlarni faollashtirishga kuchli turtki berdi, buni 2023 yil iyunʻ oyida Oʻzbekiston, joriy yilning yanvarʻ oyida Qozogʻiston va aprelʻ oyida Tojikiston bilan oʻtkazilgan iqtisodiy forumlar tasdiqlaydi. Mintaqaning boshqa davlatlari bilan iqtisodiy sohada tadbirlar oʻtkazish rejalashtirilgan”, — dedi u.

Bosh vazirning soʻzlariga koʻra, Markaziy Osiyoning barcha davlatlari bilan oʻzaro hamkorlik doirasida infratuzilma, qishloq xoʻjaligi, mashinasozlik va energetika sohalarida mintaqaviy loyihalarga alohida ahamiyat berilmoqda.

Shuningdek, uchrashuv chogʻida mamlakatlar oʻrtasidagi energiya almashinuvi, global muammolar va kommunikatsiya masalalari kabi masalalar muhokama qilingani qayd etilgan.