Qatar, Iordaniya va Saudiya Arabistoni Suriyaning yangi maʻʻmuriyati bilan muzokara oʻtkazdi

Qatar, Iordaniya va Saudiya Arabistonining yuqori martabali diplomatlari Suriyaning yangi maʻʻmuriyati bilan muzokaralar oʻtkazish hamda mamlakatdagi urushdan keyingi qayta tiklash jarayonini muhokama qilish uchun Damashqda uchrashishdi. Bashar Asad rejimi agʻdarilganidan soʻng, bu davlatlar Suriyani qayta tiklash va kelajakdagi hamkorlikni kuchaytirish uchun yangi diplomatik aloqalarni oʻrnatmoqda.

Qatar tashqi ishlar vaziri boshchiligidagi diplomatik delegatsiya dushanba kuni Damashqqa tashrif buyurdi. Bu delegatsiya, ikki hafta avval Bashar Asad rejimining agʻdarilishi bilan Suriyaga birinchi qoʻngan Qatar Airways aviakompaniyasining samolyoti boʻldi. Shuningdek, Qatar Turkiyadan keyin, Suriya poytaxti Damashqda oʻz elchixonasini qayta ochgan ikkinchi davlatga aylandi.

Qatar Tashqi ishlar vazirligi matbuot kotibi Majid al-Ansoriyning bildirishicha, mamlakat delegatsiyasi Suriyaga har tomonlama yordam koʻrsatish boʻyicha Qatarning qatʻʻiy pozitsiyasini aniqlashtirish uchun tashrif buyurgan. 

Ushbu tashriflar bir necha yil davomidagi fuqarolar urushidan soʻng, Suriyaning oʻtish davri hukumati bilan muzokaralar va barqarorlikni taʻʻminlash uchun yuqori martabali diplomatik aloqalarning bir qismi hisoblanadi.