Putin: Rossiya doim Isroil-Falastin mojarosini tinch yoʻl bilan hal etish tarafdori boʻlib kelgan

Falastin rahbari Mahmud Abbos Rossiyaga tashrif buyurib, RF prezidenti Vladimir Putin bilan uchrashdi. Vladimir Putin uchrashuv chogʻida mintaqada uzoq muddatli, ishonchli, barqaror tinchlikni taʻʻminlash uchun BMTning barcha qarorlarini amalga oshirish va birinchi navbatda, toʻlaqonli Falastin davlatini yaratish zarurligini taʻʻkidladi. Oʻz navbatida, Mahmud Abbos Rossiya har doim qonun tarafida, haqiqat tarafida ekanligini va “Falastin xalqining eng aziz doʻstlaridan biri” ekanini aytdi.

Rossiya har doim Isroil-Falastin mojarosini tinch yoʻl bilan hal etish tarafdori boʻlib kelgan. Bu haqda RF prezidenti Vladimir Putin Novo-Ogaryovoda Falastin rahbari Mahmud Abbos bilan muzokarada aytib oʻtdi.

“Siz bilan umumiy pozitsiyaga egamiz, bu muammoning ildizlari uzoq oʻtmishga borib taqaladi va avval xalqaro tashkilotlar darajasida, birinchi navbatda, BMT darajasida mustaqil Falastin davlatini yaratish boʻyicha qabul qilingan qarorlarni mensimaslik bilan bogʻliq”, - dedi u.

Putin RFning ushbu masala boʻyicha pozitsiyasi «oʻzgarishsiz» ekanligini taʻʻkidladi. “U uzoq vaqt oldin tuzilgan va hech qanday vaziyatga bogʻliqlik xususiyatiga ega emas. Mintaqada uzoq muddatli, ishonchli, barqaror tinchlikni taʻʻminlash uchun BMTning barcha qarorlarini amalga oshirish va birinchi navbatda, toʻlaqonli Falastin davlatini yaratish zarur, deb hisoblaymiz”, — dedi Rossiya prezidenti.

“Hamma yaxshi biladiki, Rossiya bugun, afsuski, oʻz manfaatlarini himoya qilishi, oʻz xalqini qoʻlida qurol bilan himoya qilishi kerak, ammo Yaqin Sharqda, Falastinda sodir boʻlayotgan voqealar, albatta, bizning eʻʻtiborimizdan chetda qolmaydi”, deb qoʻshimcha qildi Rossiya prezidenti.

Putin, shuningdek, Rossiya “Falastinda yuz bergan gumanitar falokatni katta alam va xavotir bilan kuzatayotganini” taʻʻkidladi.

“Oʻz navbatida, biz Falastin xalqini qoʻllab-quvvatlash uchun hamma narsani qilamiz. Bilasiz, 700 tonnaga yaqin turli yuk joʻnatdik. Biz Falastin xalqini qoʻllab-quvvatlash uchun har qanday imkoniyatdan foydalanish uchun bor imkoniyatni ishga solamiz. Birinchi navbatda, tinch aholi oʻrtasidagi yoʻqotishlardan xavotirdamiz. BMT maʻʻlumotlariga koʻra, bu raqam allaqachon 40 ming kishiga etdi va ular asosan ayollar va bolalardir", - dedi Putin.

Oʻz navbatida, Mahmud Abbos Rossiya har doim qonun tarafida, haqiqat tarafida ekanligini va “Falastin xalqining eng aziz doʻstlaridan biri” ekanini aytdi.

Ayni paytda Abbos AQSh bosimi tufayli BMTning Falastin masalasidagi buzgʻunchi roliga eʻʻtibor qaratdi.

“1947 yildan beri BMT Bosh Assambleya va Xavfsizlik Kengashida Falastin muammosi boʻyicha mingdan ortiq rezolyutsiya qabul qildi, ammo Qoʻshma Shtatlar bosimi tufayli u oxir-oqibat oʻz missiyasini bajarolmadi va Falastin xalqining huquqlarini amalga oshirishni taʻʻminlaydigan birorta ham rezolyutsiyani qabul qilmadi”, dedi Abbos.

Uning soʻzlariga koʻra, Falastin hukumati ham falastinliklarni oʻz hududlaridan majburan chiqarib yuborishga urinishlarni nomaqbul deb hisoblaydi.

“Biz [Isroil] falastinliklarni Gʻazo sektoridan, Gʻarbiy Sohildan, Quddusdan majburan koʻchirish siyosatini davom ettirishni qabul qilmaymiz – bu strategiya oʻtgan asrda bir necha bor amalga oshirilgan: masalan, 1948 yilda yoki 1967 yil”, - dedi Abbos.

Xalqaro sud tomonidan qabul qilingan rezolyutsiyalar Isroilning xalqaro gumanitar qonunlarga toʻgʻri kelmaydigan qadamlaridan voz kechishi zarurligini koʻrsatadi, deya qoʻshimcha qildi u.