Pentagon: Eron Hind okeanida tijorat kemasiga dron bilan hujum uyushtirdi

AQSh Hindiston yaqinida tijorat kemasiga dron hujumida Eronni ayblamoqda.

AQSh Mudofaa vazirligi (Pentagon) Hind okeanida harakatlanayotgan kimyoviy yuk ortilgan tanker Erondan uchirilgan dron hujumiga uchraganini maʻʻlum qildi.

Pentagonning Anadolu axborot agentligiga maʻʻlum qilishacha, "Yaponlarning Liberiya bayrogʻi ostida suzadigan hamda Gollandiya tomonidan boshqariladigan Chem Pluto kemasiga Hind okeanida, Hindiston qirgʻoqlaridan 370 kilometr masofada hujum qilingan.

Bayonotga koʻra, hujum Erondan uchirilgan bir yoʻnalishli hujumchi uchuvchisiz uchish uskunasi (dron) bilan amalga oshirilgan va hodisada qurbonlar boʻlmagan, tankerdagi yongʻin oʻchirilgan.

Bayonotda hujum chogʻida yaqin atrofda AQSh dengiz floti kemasi boʻlmagani va AQSh dengiz kuchlari markaziy qoʻmondonligi (CENTCOM) Hindistondagi manziliga qarab davom etayotgan kema bilan aloqani davom ettirgani qayd etildi.

Eron hujum haqida hech qanday izoh bermagan boʻlsa-da, Ambrey dengiz xavfsizligi kompaniyasi tankerning Saudiya Arabistonidan Hindistonga ketgani va Isroil bilan aloqasi borligi haqidagi maʻʻlumotni BBC bilan oʻrtoqlashgan.

Qayd etilishicha, bu Eronning 2021 yildan beri tijoriy yuk tashishga ettinchi, Gʻazodagi urushdan buyon birinchi hujumi.

Isroilning 7 oktyabrdan beri blokadadagi Gʻazo sektoriga davom etayotgan hujumlariga javoban Yamandagi Eron tomonidan qoʻllab-quvvatlangan husiylar Qizil dengizdagi Isroil kemalarini nishonga olishlari mumkinligi bilan tahdid qilgan edi. Husiylar harakatga kelganidan soʻng, koʻplab yuk tashish kompaniyalari Qizil dengizdagi sayohatlarini toʻxtatishga qaror qilishdi.