Muxolifat kuchlari Manbij shahrini kurdlardan ozod qildi

Suriyada muxolifat kuchlari Kurdiston ishchi partiyasi (PKK) nazoratida boʻlgan Manbij shahrini toʻliq qoʻlga kiritdi. Dayr az-Zor viloyati markazi, Tal-Rifat, Bukamal va Mayyadin hududlaridan ham PKK siqib chiqarildi. Isroil PKKni "mintaqada barqarorlikni taʻʻminlovchi kuch" deb atab, xalqaro hamjamiyatni uni qoʻllab-quvvatlashga chaqirdi.

Suriyada muxolifat kuchlari 9 dekabrʻ kuni Kurdiston ishchi partiyasi (PKK) nazoratida boʻlgan Manbij shahrini toʻliq qoʻlga kiritdi. Bu haqda Reuters agentligi Anqaradagi manbasiga asoslanib xabar berdi.

Suriyada inson huquqlariga rioya etilishini monitoring qilish markazi (SOHR) maʻʻlumotlariga koʻra, Suriyaning Halab shahridan shimoli-sharqda joylashgan shahar uchun jang chogʻida 26 kishi halok boʻlgan, 40 kishi yaralangan. Shuningdek, ijtimoiy tarmoqlarda PKK nazorati ostida boʻlgan lagerlarda ochlikdan vafot etgan bolalarning jasadlari aks etgan videolar tarqaldi. 

Asad rejimini agʻdargan guruhlar bilan hamkorlikda harakat qilgan mahalliy harbiylashtirilgan kuchlar Dayr az-Zor viloyati markazi, Tal-Rifat, Bukamal va Mayyadin hududlaridan ham PKKni siqib chiqardi. 

Oʻz navbatida, Isroil Manbij PKK jangarilaridan tozalanganini qoralab, xalqaro hamjamiyat "mintaqada barqarorlikni taʻʻminlashda muhim rolga ega" PKKni qoʻllab-quvvatlashi kerakligini maʻʻlum qildi.

Isroil TIV rahbari Gideon Saar ijtimoiy tarmoqdagi sahifasida Manbijdagi amaliyot AQSh bilan muhokama qilingani bildirib, uni tezroq yakunlashga chaqirdi.