Muhammad Britaniyada oʻgʻil bolalarga eng koʻp qoʻyilgan ismga aylandi

2023 yilda Angliya va Uelsda oʻgʻil farzandlariga ism qoʻyish ota-onalar uchun eng yaxshi tanlov Muhammad boʻldi va 4600 dan ortiq bola bu nom bilan roʻyxatga olindi, deya xabar bermoqda BBC.

Milliy statistika boshqarmasi (ONS) maʻʻlumotlariga koʻra, bu 2016 yildan beri oʻgʻil bolalar uchun eng yaxshi 10 ism qatoriga kirdi, ammo hozirda avvalgi sevimli Nuh (Noah)ni ortda qoldirdi.

Biroq, qayd etilishicha, mintaqaviy tafovutlar darajasi bor. Muhammad ismi Angliyaning uchta mintaqasi boʻyicha eng yaxshi 10 talikka kirmagan.

Muhammad ismining boshqa imloviy shakllari — Mohammed va Mohammad ham Angliya va Uels boʻyicha eng mashhur 100 ta ism roʻyxatidan joy olgan. Muhammad ismining turli xil variantlari oldingi yillarda ham mashhur boʻlgan.

Foto: Angliya va Uelsda 2023 yilda oʻgʻil va qiz bolalarga eng koʻp qoʻyilgan ismlar

Olivia qizlar uchun eng mashhur tanlov boʻlib qolmoqda, undan keyingi oʻrinlarda Amelia va Isla turibdi. Ushbu kuchli uchlik 2022 yildan beri oʻzgarishsiz qolmoqda. 2023 yili qizlar orasida chiziqcha bilan yozilgan ismlar ham mashhurlikka erishgan. Bunday ismlar soni 12 330 tadan 19 140 taga oshgan.

Qizlar uchun eng mashhur 100 ta ism roʻyxatiga Lilah, Raya va Hazel kabi yangi ismlar kirgan. Oʻgʻil bolalar uchun esa Jax, Enzo va Bodhi boʻldi.

Angliyada pop-madaniyat ham ism tanlashga taʻʻsir etmoqda. Bunga Billi Aylish va Lana Del Rey kabi qoʻshiqchilar, Margo Robbi va Killian Myorfi singari kino yulduzlari ismlari misol boʻla oladi.

Jorj, Archi, Harri, Sharlotta, Elizabet va Charlz kabi ismlar esa soʻnggi yillarda kamroq mashhur boʻlishdi.