Moskva Suriyadagi harbiy bazalarining kelajagidan xavotirda

Rasmiy Moskva va Damashq Suriyadagi rus harbiy bazalarining holati boʻyicha muzokaralarni davom ettiradi. Bu haqda rus nashrlari RF tashqi ishlar vaziri oʻrinbosari Mixail Bogdanovga tayanib, xabar bermoqda.

"Suriyada Rossiya harbiy bazalarini qoldirish masalasi qoʻshimcha maslahatlashuvlarni talab qiladi. Tomonlar bu boʻyicha oʻzaro muzokaralarni davom ettirish tarafdori", degan Bogdanov jurnalistlarga.

Uning soʻzlariga koʻra, ayni damda Rossiya harbiy bazalari hududda faoliyatini davom ettirmoqda, biroq ularning kelajakda bu erni tark etishi yoki etmasligi maʻʻlum emas.