Mashhur yozuvchilar Isroil madaniyat markazlarini boykot qilishga chaqirmoqda

Dunyoning 1000 dan ortiq mashhur yozuvchi va jurnalistlari“falastinliklarga qarshi zulmga sherik boʻlayotgan yoki jim qarab turgan”  Isroil nashr va noshirlari, adabiy agentliklari hamda madaniyat markazlari bilan hamkorlik qilmaslikka vaʻʻda berilgan maktubni imzolashdi.

 

Dunyo yozuvchilari Isroil noshirlari, adabiy agentliklari va “falastinliklarning huquqlarini poymol qilishda ishtirok etayotgan” nashrlar bilan hamkorlik qilmaslikka vaʻʻda berishdi.

1000 dan ortiq yozuvchi va noshirlar “falastinliklarga qarshi zulmga sherik yoki jim tomoshabin boʻlib turgan” Isroil madaniyat markazlarini boykot qilishga vaʻʻda berilgan xatni imzolashdi.

Maktubga imzo chekkan mashhur mualliflar orasida “Doʻstlar bilan suhbatlar” va “Oddiy odamlar” kabi romanlari bilan tanilgan irland yozuvchisi Salli Runi; “Pulitser” mukofoti sovrindori liviya-amerikalik yozuvchi Hisham Matar; “Pulitser” mukofoti sovrindori Vʻet Txanʻ Nguen; “Buker” mukofoti sovrindori Arundhati Roy; “Istaksiz fundamentalist” kitobi muallifi Mohsin Hamid va Buker mukofoti nomzodi, ayni paytda Dubayda yashayotgan Avni Doshi bor.

Mualliflar Isroil noshirlari, adabiy agentliklari yoki “Falastin huquqlarini buzishda ishtirok etuvchi”, “kamsituvchi siyosatga ega” yoki “Isroil ishgʻoli, aparteid yoki genotsidni oqlaydigan” nashrlar bilan hamkorlik qilmaslikka vaʻʻda berishdi.

“Falastin xalqining xalqaro huquqda mustahkamlangan ajralmas huquqlarini” hech qachon oshkora tan olmagan institutlar ham boykot qilinadi, deb yozmoqda Arab news.

Kampaniya har yili butun Falastin shaharlarida bepul ommaviy tadbirlarni oʻtkazadigan “Falastin adabiyoti festivali” (shuningdek, PalFest nomi bilan ham tanilgan) tomonidan tashkil etilgan.

“Biz ushbu maktubni 21-asrning eng axloqiy, siyosiy va madaniy inqirozi bilan yuzlashayotgan bir paytda nashr etmoqdamiz”, deyiladi maktubda, shuningdek, unda Isroil oʻtgan yilning oktyabrʻ oyidan beri “kamida 43362” falastinlikni oʻldirgani taʻʻkidlangan.

Bundan tashqari, maktubda qayd etilishicha, Isroil madaniyat markazlari “davlat bilan bevosita hamkorlik qilib, oʻnlab yillar davomida millionlab falastinliklarning jabr-zulumga uchrayotganini yashirishda muhim rolʻ oʻynagan.

Eslatib oʻtamiz, 2021 yilda yozuvchi Salli Runi Isroil nashrlariga oʻzining yangi romanini ibroniy tiliga tarjima qilishni taqiqlagan edi.

Yozuvchining soʻzlariga koʻra, u "oʻzini aparteiddan uzoqlashtirmaydigan va Falastin xalqining Birlashgan Millatlar Tashkilotida mustahkamlangan huquqlarini buzadigan" Isroil kompaniyasi bilan shartnoma tuzishni "toʻgʻri deb hisoblamaydi".