Mahmud Ahmadinajod: Eron razvedkasining Isroilga qarshi kurash boʻlinmasi rahbari Mossad agenti boʻlib chiqdi

Eronning sobiq prezidenti Mahsud Ahmadinajod Eron razvedkasining Isroilga qarshi kurash boʻlinmasi rahbari Mossad agenti boʻlib chiqqani, Isroil josuslari Eron hukumati, ayniqsa razvedka va xavfsizlik boʻlinmalarining eng yuqori darajalarigacha sizib kirganini taʻʻkidladi.

U Isroilning Eron hududida turli operatsiyalarni amalga oshira olishi, eng maxfiy boʻlinmalardan atom bombasini yaratishga oid maʻʻlumotlarni qoʻlga kiritganini maʻʻlum qildi.

Eronning sobiq prezidenti bularning mamlakat boshqaruvi ichidagi Isroilning keng qamroqli taʻʻsiri va josuslar tarmogʻining haligacha fosh qilinmagani sababli roʻyobga chiqqanini qayd etib oʻtdi.

Oʻtgan haftaning payshanba kuni Mossadning sobiq direktori Yosi Koxan ham Eronning atom bombasiga oid maxfiy maʻʻlumotlari ikki yillik saʻʻy-harakatlar ortidan hech biri isroillik va yahudiy boʻlmagan 20 kishilik eronlik guruh yordamida qoʻlga kiritilganini maʻʻlum qilgan edi.