Livandagi soʻnggi vaziyat qanday?

Isroil Livanga quruqlikdan va havodan hujumlar uyushtirmoqda. Soʻnggi 24 soat ichida Isroil hujumlari natijasida 95 kishi halok boʻldi, 172 kishi jarohatlandi. Hizbulloh ham javob zarbalarini berdi – muhim xabarlar.

Isroil armiyasi Livanga hujumlarini davom ettirmoqda. Livan janubidagi qishloq va shaharlar, shuningdek, Bekaa, Baalbek va poytaxt Bayrutga hujumlar uyushtirdi. Soʻnggi 24 soat ichida 95 kishi halok boʻlgan, 172 kishi jarohatlangan.

Kecha tunda TsAXALning 98-diviziya boʻlinmalari, 7-brigada kommandoslari, desantchilari va zirhli texnikalari Livan hududiga bostirib kirdi.

Mahalliy OAV xabariga koʻra, Isroil zirhli kuchlari va Hizbulloh boʻlinmalari oʻrtasida shiddatli otishmalar davom etmoqda.

Livan armiyasi va BMT tinchlikparvar kuchlari Isroil bilan chegaradagi bir qancha pozitsiyalaridan qoʻshinlarini olib chiqishni boshladi.

Livandagi Hizbulloh harakati Isroil tomon 40 dan ortiq raketa uchirdi.

The Jerusalem Post gazetasi 25 sentyabrʻ kuni Livan Isroilning “vaʻʻda qilingan erlari”ning bir qismi ekani haqidagi maqolani chop etib, keyin tezda oʻchirib tashladi. Mazkur maqola jamoatchilik oʻrtasida bahs-munozaralarga sabab boʻldi. Koʻpchilik nashrni diniy asoslar niqobi ostida ekspansionistik gʻoyalarni targʻib qilishda aybladi.

Amerikalik senator Mark Kelli Isroil oʻtgan hafta Bayrutda Hizbulloh etakchisi Hasan Nasrullohni oʻldirish uchun qoʻllagan 900 kilogrammli bombalar Amerikada ishlab chiqarilgan boshqariladigan qurollar ekanini taʻʻkidladi. JDAM navigatsiya tizimiga ega MK-84 aqlli bombalari Isroil tomonidan tinch aholi nishonlariga, jumladan, Gʻazodagi 500 ga yaqin odam halok boʻlgan Al-Ahli Baptistlar kasalxonasiga va falastinlik qochqinlar lagerlariga hujumlarda ishlatilgan.

30 sentyabrʻ kuni kechqurun TsAXAL Livan bilan chegaradagi uchta – Metula, Misgav-Am va Kfar-Giladi aholi punkti atrofidagi hududni yopiq harbiy zona deb eʻʻlon qildi. Ushbu hududga kirish taqiqlangan.