Janubiy Koreya prezidenti Yun Suk Yol rasman hibsga olindi

Janubiy Koreya prezidenti Yun Suk Yol rasman hibsga olindi

Janubiy Koreyada davlat toʻntarishiga urinish va hokimiyat vakolatini suiisteʻʻmol qilish ayblovlari bilan vaqtinchalik lavozimidan chetlatilgan prezident Yun Suk Yol rasman hibsga olindi. Seul Gʻarbiy okrug sudi 2025 yil 18 yanvar kuni Yunni hibsga olish toʻgʻrisida order chiqarganini Yonhap agentligi xabar qildi.

Yun Suk Yolning hibsga olinishiga korruptsiya amaliyotlarini tergov qilish boshqarmasi (SIO) tomonidan olib borilayotgan surishtiruv asos boʻldi. SIO prokurorlari 20 kun ichida rasmiy ayblovni maʻʻlum qilishadi.

Yun Suk Yolning maʻʻmuriyati sud qarorini keskin tanqid qildi va uni siyosiy taʻʻqib sifatida baholadi. Hukm eʻʻlon qilinganidan soʻng, Yunning tarafdorlari Seul Gʻarbiy okrug sudi binosiga bostirib kirib, politsiya bilan toʻqnashuvlar sodir etdi. Namoyishchilar binoga zarar etkazib, xavfsizlik xodimlariga oʻt oʻchirish vositalarini purkashdi. Politsiya 45 nafar namoyishchini hibsga oldi.

Sud muhokamasi paytida sud binosi oldida 44 ming nafarga yaqin kishi Yunni qoʻllab-quvvatlab chiqdi. Yun hibsxonadan yoʻllagan maktubida barcha tarafdorlarini tinch namoyishlarga chaqirdi.

Yun Suk Yolga qoʻyilgan ayblovlar va harbiy holat boʻyicha tergov mamlakatda siyosiy beqarorlikni yanada chuqurlashtirishi mumkin. Oliy prokuratura sud va politsiyaga bosim oʻtkazishga urinish holatlarini tekshirish uchun maxsus tergov guruhi tashkil etganini eʻʻlon qildi.