Isroil quruqlikdan Livanga bostirib kirishni boshladi
Isroil armiyasi Livan janubiga quruqlik orqali bostirib kirishni boshladi. Livan qoʻshinlari esa mamlakat janubidagi pozitsiyalarini tark etib, 5 km ichkariga chekinmoqda. Hozircha TsAXAL qarshiliksiz ilgarilamoqda.
Isroil
armiyasi Livan hududiga kirdi, bu haqda mahalliy OAV xabar berib, sodir
boʻlayotgan voqealarni Uchinchi Livan urushi deb atadi. Isroil chegarada 20
kilometrlik xavfsiz hudud (bufer zona) yaratmoqchi.
Isroil
zirhli texnikalari Metula hududidan Livan bilan chegarani kesib oʻtmoqda. Shuningdek,
TsAXAL saflari Livan janubidagi chegara toʻsiqlarini olib tashlamoqda.
Livan
qoʻshinlari esa mamlakatning Isroil bilan janubiy chegarasidagi pozitsiyalaridan
chegaradan besh kilometr shimolga chekindi, deb xabar berdi Livan xavfsizlik
manbasi Reuters agentligiga.
Chekinish
Isroilning Livan janubiga quruqlikdan bostirib kirishi alomatlari kuchayayotgan bir
paytda sodir boʻldi. Oʻz navbatida, Livan harbiy amaldorining AFP agentligiga maʻʻlum
qilishicha, Livan armiyasi chekinmayapti, balki "janubiy chegaradagi qoʻshinlarni guruhlashtirib,
qayta joylashtirmoqda".
AQSh
Davlat departamenti matbuot kotibi Metʻyu Millerning aytishicha, Isroil Livanda
bir qator cheklangan quruqlikdagi amaliyotlar haqida Qoʻshma Shtatlarni xabardor
qilgan.
Mavzuga aloqador
-
AQSh Ichki ishlar departamenti xodimi Isroilning Gʻazodagi "genotsid" urushini soʻzsiz qoʻllab-quvvatlayotganiga norozilik sifatida omma oldida isteʻʻfoga chiqqan birinchi yahudiy amaldorga aylandi. “Prezident Baydenning Isroilning Gʻazodagi genotsidini halokatli va davomli qoʻllab-quvvatlashi fonida men endi vijdonan bu maʻʻmuriyat vakili boʻla olmayman”, dedi Lili Grinberg Koll.
-
Tailand bosh vaziri Settha Thavisin 2008 yilda korruptsiya bilan bogʻliq jinoyatda aylanib, 6 oyga qamalgan advokatni Vazirlar Mahkamasiga ishga olgani uchun lavozimidan chetlashtirildi.
