Isroil josuslari «Hizbulloh»ga qarshi hujum tafsilotlarini ochiqladi

Isroil razvedkasi agentlari Livanda peyjerlarning portlatilishi haqidagi yangi tafsilotlarni ochiqladi. CBS telekanali tomonidan efirga uzatilgan «60 daqiqa» dasturida ishtirok etgan sobiq agentlar ushbu teraktning qanday tashkil etilganini tushuntirishgan.

Rejaning boshlanishi

Sobiq agentlardan biri, oʻzini «Maykl» deb tanishtirgan shaxs, mazkur operatsiya uchun tayyorgarlik oʻn yil avval boshlanganini aytgan. Oʻshanda «Hizbulloh» aʻʻzolari Isroil tomonidan maxsus oʻzgartirilgan radiolarni sotib olishganini bilmasdi. Keyinchalik, 2022 yilda Hizbullohning Tayvanʻ kompaniyasidan peyjerlar sotib olayotgani aniqlangan.

Mossad agentlari peyjerlarga portlovchi moddalarni yashirin joylashtirish uchun ularni biroz kattalashtirgan.

Hujumning ikkinchi bosqichi

Mossad agentlari «Hizbulloh»ni ogʻirroq peyjerlarga oʻtishga koʻndirish uchun yolgʻon reklamalar va qoʻshimcha usullardan foydalangan. Shuningdek, peyjerlarni ishonchliroq qilib koʻrsatish maqsadida suv oʻtkazmaydigan qurilmalar sifatida yolgʻon maʻʻlumot tarqatilgan.

2022 yil sentyabriga kelib, «Hizbulloh» aʻʻzolarida 5000 ga yaqin peyjer mavjud edi. Hujum 17 sentyabrʻ kuni ushbu peyjerlarning signal berishi bilan boshlangan. Portlashlar ortidan Isroil havo zarbalari amalga oshirib, koʻplab hududlarni nishonga oldi.

Operatsiyaning maqsadi

Agent «Gabriel»ning taʻʻkidlashicha, mazkur operatsiyaning maqsadi faqat «Hizbulloh» aʻʻzolarini yoʻq qilish emas, balki ularga kuchli ogohlantirish yuborish boʻlgan. Ammo havo zarbalari oqibatida minglab odamlar halok boʻldi, jumladan, shia harakati etakchisi Hasan Nasrulloh ham.

Operatsiyadan keyin Livanda aholi orasida qattiq qoʻrquv hukm sura boshladi. «Maykl»ga koʻra, peyjerlar portlatilganidan keyin koʻpchilik hatto konditsionerlarini ham ishga tushirishdan xavotirlangan.

Eslatib oʻtamiz, operatsiya natijasida Isroil va «Hizbulloh» oʻrtasidagi ziddiyat kuchaydi, biroq noyabrʻ oyida urush sulh bilan yakunlandi.