Isroil Irlandiyadagi elchixonasini yopdi

Isroil hukumati yakshanba kuni mamlakatning Irlandiyadagi elchixonasini yopish haqida qaror qabul qildi. Bu qaror Irlandiya hukumati tomonidan Falastin davlatining tan olinishi va Isroilga qarshi xalqaro huquq doirasidagi harakatlarni qoʻllab-quvvatlashi ortidan qabul qilindi.

2024 yil may oyida Irlandiya rasman Falastin davlatini tan oldi. Shuningdek, oʻtgan hafta Irlandiya Janubiy Afrika tomonidan BMTning Xalqaro sudida Isroilga qarshi qoʻzgʻatilgan daʻʻvoga qoʻshilishini maʻʻlum qildi. Irlandiya tashqi ishlar vazirligi Gʻazo sektoridagi Isroil harakatlarini “jamoaviy jazo” va xalqaro huquqni buzish deb baholadi.

Irlandiyaning bayonotiga koʻra, ular xalqaro suddan “genotsid” tushunchasini davlat tomonidan amalga oshiriladigan jinoyatlar uchun kengroq talqin qilishni soʻragan. Irlandiya tashqi ishlar vazirligi bunday cheklangan talqin inson huquqlarini himoya qilishni susaytirishi va jazosizlikka olib kelishi mumkinligini taʻʻkidladi.

Isroilning Irlandiyadagi elchisi Gideon Saar bu harakatlarni “antisemitizm va Isroil davlatining mavjudligini shubha ostiga qoʻyish” deb atadi. Isroil tashqi ishlar vazirligi Irlandiya hukumati harakatlarini ikki tomonlama standartlarga asoslanganlikda va yahudiy davlatini masxara qilishda aybladi.

Irlandiyaning bosh vaziri Saymon Xarris, Isroilning elchixona yopish qaroriga oʻz munosabatini bildirib, buni "afsuslanarli va noxush holat" deb atadi. U Irlandiyaning Isroilga qarshi pozitsiyaga ega emasligini taʻʻkidlab, ikki davlat – Isroil va Falastinning tinch-totuv yashashini qoʻllab-quvvatlashini bildirgan.

Isroilning bu qarori ikki davlat oʻrtasidagi munosabatlardagi jiddiy keskinlikning yana bir ifodasi boʻlib, bu mintaqaviy va xalqaro siyosiy vaziyatga taʻʻsir koʻrsatishi mumkin. Irlandiyaning Isroilga qarshi xalqaro harakatlarni qoʻllab-quvvatlashi Gʻarb davlatlari oʻrtasida ham turli munosabatlarni keltirib chiqarishi mumkin.