Isroil armiyasi Erondagi harbiy nishonlarga zarba berdi

Isroil mudofaa kuchlari “Eron rejimining Isroil davlatiga bir necha oydan beri davom etayotgan hujumlariga javoban” shanbaga oʻtar kechasi harbiy samolyotlar yordamida Eron va Suriyadagi bir qancha harbiy nishonlarga zarbalar berdi.

Isroil mudofaa kuchlari (TsAXAL) 26 oktyabrʻ, shanbaga oʻtar kechasi Erondagi nomaʻʻlum harbiy obʻʻektlarga javob hujumi uyushtirilganini eʻʻlon qildi.

“Eron rejimining Isroil davlatiga bir necha oydan beri davom etayotgan hujumlariga javoban Isroil mudofaa kuchlari hozirda Erondagi harbiy obʻʻektlarga aniq zarbalarini bermoqda”, — deyiladi TsAXAL bayonotida.

NBC News xabariga koʻra, Isroil nishonlari orasida Tehrondagi kazarma va qurol ombori boʻlgan. Oʻz navbatida, Fars agentligi havo zarbalari nishoni Tehron janubi va janubi-gʻarbidagi harbiy bazalar boʻlganini xabar qildi.

Eron davlat matbuoti hujum paytida Tehrondagi ikkala aeroport ham “normal rejimda” ishlaganini xabar qildi. Biroq keyinroq rasmiylar havo hududini butunlay yopdi. Irna davlat axborot agentligining favqulodda xizmatlardagi manbalariga tayanib xabar berishicha, Tehronda qurbonlar qayd etilmagan, poytaxtda internet butunlay uzilgan. Iroq ustidagi havo hududi ham butunlay yopilgan.

Tehron va poytaxtning shimoliy chekkasidagi Karaj aholisi kamida ettita portlash ovozini eshitgan. Portlashlar manbasi nomaʻʻlum, ammo Eron davlat televideniesi bu havo hujumidan mudofaa tizimlari ishi boʻlishi mumkinligi haqidagi versiyani namoyish qildi.

TsAXAL: Missiya bajarildi

Keyinroq agentliklar mahalliy OAVga tayanib, Eron poytaxti markazida kuchli portlash va “uzoq davom etgan shovqin”, shuningdek, havo hujumidan mudofaa tizimlari ishlagani haqida xabar berishdi. ABC News xabariga koʻra, Isroil armiyasining Erondagi nishonlarga zarbalari davom etmoqda. Isroil telekanallari oʻz manbalariga tayanib, Eronga hujumlarning ikkinchi toʻlqini haqida xabar bermoqda. Amerikaning Axios axborot portali esa hujumlarning ikkinchi va uchinchi toʻlqini boʻlganini maʻʻlum qildi.

Channel 12 telekanalining Eron manbalariga tayanib xabar berishicha, hujum qilinayotgan nishonlar orasida Islom inqilobi qoʻriqchilari korpusi qoʻmondonlik punkti ham bor.

Shanba kuni ertalab Isroil armiyasi vakillari Erondagi operatsiya yakunlangani haqida eʻʻlon qildi.

"Samolyotimiz uyga xavfsiz tarzda qaytdi. Qasos zarbasi yakunlandi, topshiriq bajarildi", deyiladi TsAXAL xabarida.

SANA: Suriya havo hujumidan mudofaa kuchlari Isroil raketalarini tutib oldi

SANA Suriya davlat axborot agentligi Suriyaning markaziy va janubidagi harbiy obʻʻektlarga havo hujumlari uyushtirilgani haqida xabar berdi. Qayd etilishicha, “Isroil tomonidan bosib olingan Suriyaning Golan tepaliklari va Livan hududlaridan” uchirilgan Isroil raketalari Suriya havo hujumidan mudofaa kuchlari tomonidan tutib olingan.

Shanba kuni ertalab Suriya davlat televideniesi Damashq yaqinidagi qishloqlarda va mamlakatning markaziy mintaqasida ham portlash ovozlari eshitilgani haqida xabar bergan edi. Biroq TsAXAL bayonotida Suriyadagi nishonlarga hujum qilish haqida hech narsa aytilmagan.