Germaniya va Frantsiya TIV rahbarlari Evropa Ittifoqi nomidan Suriyaga keldi

3 yanvarʻ kuni Germaniya tashqi ishlar vaziri Annalena Berbok va Frantsiya tashqi ishlar vaziri Jan-Noelʻ Barro Evropa Ittifoqi nomidan Suriyaga rasmiy tashrif buyurdi. Ular mamlakatning yangi rahbari Ahmad ash-Sharʻʻ hamda fuqarolik jamiyati vakillari bilan muzokaralar oʻtkazdi.

Bu tashrif Evropa Ittifoqi uchun oʻta muhim siyosiy qadam hisoblanadi, chunki Asad rejimi agʻdarilgandan keyin birinchi marta Evropa tashqi ishlar idoralari rahbarlari Damashqqa tashrif buyurdi. Germaniya Tashqi ishlar vazirligi saytida berilgan bayonotda tinchlik jarayoni, inson huquqlari himoyasi va hokimiyatni tinch yoʻl bilan topshirishga yordam berish maqsadi taʻʻkidlangan.

Berbokning soʻzlariga koʻra, yangi Suriya hukumatida barcha etnik va diniy guruhlar hamda ayollar siyosiy jarayonlarda toʻliq ishtirok etishi lozim. 

«Suriya xalqi oʻz taqdirini oʻzi belgilash imkoniyatiga ega boʻldi. Mazkur jarayonni mustahkamlash uchun xalqaro hamkorlik muhim ahamiyatga ega», — dedi Berbok.

Tashrif davomida Rossiyaning Suriyadagi harbiy bazalarini yopish masalasi ham muhokama qilindi. Berbok va Barro buni mintaqa suvereniteti va barqarorlikni taʻʻminlash uchun zarur qadam deb baholadi. Evropa Ittifoqi Suriyaning hududiy yaxlitligini qoʻllab-quvvatlashini va tashqi kuchlar aralashuvi oqibatlarini minimallashtirish uchun harakat qilayotganini bildirdi.

8 dekabrda prezident Bashar Asad rejimi agʻdarilganidan keyin mamlakatda oʻtish hukumati tuzildi. Yangilangan hukumatga Muhammad al-Bashir rahbarlik qilmoqda.