Bombalanayotgan Gʻazo: 419-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 419 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.


▪️Bosqinchilar Rafah, Bayt Lahia, Xon Yunis, Jabaliya, Nuseyrat va Bureyj lagerlariga hujum qildi. Kun davomida 34 kishi halok boʻldi. Urush boshlanganidan buyon 44282 kishi shahid boʻldi.

▪️Kamal Advan kasalxonasi direktori: Gʻazo shimolidagi shifoxona atrofidagi hudud Jabaliya ishgʻoli boshlanganidan beri eng ogʻir hujum ostida qolmoqda.

▪️Al-Qassam brigadalari Beyt-Laxiyada nol masofadan "Merkava" tankiga zarba berishdi. Jabaliyada bosqinchi askarlar guruhi hujumga uchradi.

▪️Gʻarbiy Sohilda ishgʻolchilar Tubas, Nablus va Jeninga bostirib kirdi. Koʻp sonli falastinlik, jumladan ikki bola hibsga olindi. Tulkarmda qarshilik jangarilari ishgʻol mashinasini portlatib yubordi.

▪️"Hizbulloh" bilan eʻʻlon qilingan sulhdan soʻng bosqinchilar Livan janubida 6 kishini oʻldirdi va Xiyomdagi uyni portlatib yubordi.

▪️"Hizbulloh": Urushda 130 dan ortiq askar va ofitser halok boʻldi, 1250 nafari yaralandi. 59 ta "Merkava" tanki va 11 harbiy buldozer yoʻq qilindi.  Falastinni qoʻllab-quvvatlash uchun 4637 marotaba harbiy amaliyot oʻtkazildi.

▪️ Isroilning Livanga bir yildan ortiq vaqtdan amalga oshirayotgan hujumlari natijasida 3823 livanlik halok boʻldi, 15 000 kishi yaralandi.

▪️Iroq "Hizbulloh"i: Livanda oʻt ochishni toʻxtatish kelishuviga qaramay, Isroilga hujum qilishni toʻxtatmaymiz.

▪️Husiylar: Yaman birdamlikka va mintaqamiz taqdiri Quddusni ozod qilish bilan bogʻliqligiga ishongan holda Falastin va Livan xalqini qoʻllab-quvvatlashda davom etadi.