Bombalanayotgan Gʻazo: 397-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 397 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

▪️Bosqinchilar Rafah, Xon Yunis, Jabaliya va Nusayrat lagerlariga hujum qildi. Kun davomida 61 kishi halok boʻldi. Urush boshlanganidan buyon 43391 kishi shahid boʻldi.

▪️Gʻarbiy Sohilda Jenin, Salfit, Tubas, Nablus va Tulkarmning koʻp soatlik qamal va vayronagarchiliklardan soʻng 8 nafar falastinlik halok boʻldi.

▪️Al-Aqso brigadalari: Jangchilarimiz Gʻazo bilan chegaradagi Nativ Haatzra aholi punktiga hujum qilishdi.

▪️"Hizbulloh" Isroilga qarshi 14 ta operatsiyani amalga oshirdi. Hayfadagi portlovchi moddalar zavodiga, Maale Golani va Doviev kazarmalariga, Kiryat Shmona, Margalio, Iifta va Naxariya aholi punktlariga hujum qilindi.

▪️Isroilning Livanning Burja va Tir shaharlarini bombalashi natijasida 15 kishi halok boʻldi. Umumiy halok boʻlganlar soni 3013 nafarga etdi.

▪️Venesuela prezidenti Maduro Falastinni himoya qilish uchun islom mamlakatlari xalqlari va Global janub mamlakatlari oʻrtasida ittifoq tuzishga chaqirmoqda.

 ▪️Netanʻyaxu mudofaa vaziri Galantni ishdan boʻshatdi, uning oʻrniga tashqi ishlar vaziri Katts tayinlandi. Tel-Avivda tartibsizliklar boshlandi. 40 kishi hibsga olingan.